Sot kanë filluar punimet për rrënimin e objektit të vjetër të Qendrës Kryesore të Mjekësisë Familjare (QKMF) në Istog, duke shënuar hapin e parë drejt ndërtimit të një objekti të ri dhe modern.
Sipas një postimi në Facebook nga Kryetari i Komunës së Istogut, Ilir Ferati, QKMF-ja e re do të përmbushë standarde të larta dhe do të ofrojë ambiente të përshtatura si për stafin shëndetësor, ashtu edhe për qytetarët.
“QKMF-ja e re nuk do të jetë thjesht një objekt, por investimi që ne po e bëjmë për të ardhmen tonë”, ka shkruar Ferati transmeton Telegrafi.
Ky projekt pritet të rrisë cilësinë e shërbimeve shëndetësore në komunë.
