Filipçe dhe Zemaj diskutojnë për heqjen e PCR testet mes dy vendeve

Ministri i Shëndetësisë nga Kosova theksoi se me ministrin e Shëndetësisë nga Maqedonia e Veriut kanë biseduar për sfidat e ardhshme epidemologjike që i presin dy vendet si dhe heqjen e testeve PCR në vendkalimet kufitare.

Ministri i Shëndetësisë, Venko Filipçe bashkërisht me zëvendësministrin Armend Arsllani, sot takuan ministrin e Shëndetësisë nga Republika e Kosovës, Armend Zemaj dhe ekipin e tij. Në takim është biseduar për gjendjen aktuale me COVID-19, por edhe për aspekte tjera dhe bashkëpunim të mundshëm në sferën e shëndetësisë mes dy vendeve.

Filipçe, siç theksojnë nga Ministria e Shëndetësisë, ka falënderuar kolegun e tij Zemaj për nismën e takimit dhe njoftoi se janë dakorduar për disa çështje konkrete.

“Grupi rajonal që vazhdimisht do ta ndjek gjendjen në terren do të merr vendime të nevojshme. Tashmë dihen anëtarët e grupit punes nga dy vendet tona, dhe tani i presim edhe anëtarët e vendeve të tjera të rajonit”, tha Filipçe.

Ky grup pune, shtoi Filipçe, do të sigurojë këmbim të vazhdueshëm të informacioneve për gjendjene epidemoligjike të vendeve.

“Kjo do të na ndihmojë të kemi njohuri më të mira për epideminë në secilën prej vendeve, dhe në bazë të kësaj do të marrim edhe vendime të përbashkëta, diçka që na intereson të gjithëve”, tha Filipçe./Telegrafi/

https://www.facebook.com/filipce.venko/posts/2488495341457484