Filarmonia e Nju-Jorkut bën anulimin e parë sezonal në histori

Filarmonia e New Yorkut bëri anulimin e sezonit të tërë, për herë të parë në historinë e saj 178-vjeçare, për shkak të rregulloreve të detyrueshme shëndetësore të qeverisë qendrore dhe të qytetit kundër koronavirusit të ri.

“Në historinë 178-vjeçare të institucionit tonë, anulimi i një sezoni të tërë shënon rastin e parë historik dhe imponues”, tha kryetarja dhe drejtoresha e përgjithshme Deborah Borda në një deklaratë.

Borda i referohej pjesës tjetër të sezonit 2020 deri më 13 qershor 2021.

“Nëse jeni zhgënjyer, ju lutem të kuptoni se sa të shkatërruar jemi të gjithë nga kjo kthesë e ngjarjeve. Sfidat shëndetësore dhe financiare, në të vërtetë sfidat e përvojës me të cilat përballemi të gjithë, janë të thella”, tha ajo.

Megjithatë, ajo tha se banorët e Nju-Jorkut do të shijonin koncerte falas në lokacionet e paralajmëruara, të cilat “do të rifillojnë për shkak të kërkesës së qytetarëve në pranverë”.

“Ne jemi në proces të zhvillimit të një serie të drejtpërdrejtë orkestrale që do të prezantohet në dimër (nëse autoritetet e lejojnë atë) dhe shpresojmë se për pak do të njoftojmë detaje për këtë”, shtoi ajo.

Borda tha se sezoni 2021-22 i Filarmonisë së Nju-Jorkut do të shpallet në pranverën e vitit të ardhshëm.

Orkestra simfonike mbylli dyert në mars pas rritjes së rasteve të virusit në Nju-Jurok, qytet ky që deri sot ka regjistruar më shumë se 476 mijë raste të Covid-19 dhe 33 306 viktima, sipas të dhënave nga Universiteti “Johns Hopkins”. /AA/