Ferguson shtrihet në spital në gjendje të rëndë shëndetësore, pritet t’i nënshtrohet operacionit

Sir Alex Ferguson ka përfunduar në spital pasi nuk është ndier mirë dhe thuhet se është në gjendje të rëndë shëndetësore.

Trajneri legjendar i futbollit, Ferguson, ka përfunduar në spital gjatë mbrëmjes të së shtunës.

Alex Ferguson thuhet se është dërguar në spital në gjendje të rëndë shëndetësore dhe do të ketë operacion më vonë gjatë mbrëmjes të së shtunës.

Lexo po ashtu Pep Guardiola, trajneri i dekadës me 23 tituj

Djali i Fergusonit, menaxher i skuadrës së Doncaster, Darren, më herët humbi ndeshjen finale të sezonit me skuadrën e tij për shkak të një “çështjeje të rëndë familjare”.

Mediumit britanik Sky Sports ishte mes atyre që raportuan se Ferguson do të operohet gjatë të shtunën.

Raportimet e para thonë se Ferguson ka pësuar sulm në tru dhe është në gjendje kome.

Në anën tjetër, sipas mediumit tjetër britanik The Times, trajneri legjendar i Unitedit u pranua në spital gjatë të enjtes.

Ferguson ishte në Old Trafford të dielën e kaluar për të parë nga afër fitoren 2-1 të Unitedit kundër Arsenalit.

Ndryshe, skocezi ka lindur më 1941 dhe momentalisht ka 76 vjet. /Telegrafi/