Femrat pioniere të muzikës elektronike

Nuk është çdo ditë që femrat defilojnë në festivalet e muzikës elektronike, e të paktën të mos jenë të favorizuara për shkak të gjinisë së tyre.

Edhe pse shumë femra kanë krijuar një balancë gjinore në muzikën elektronike, ende kemi një situate ku së pari vjen në pah gjinia pastaj talenti, shkruan në një artikull kushtuar pioniereve të kësaj muzike, The Guardian.

Megjithatë, festivali “Deep Minimalism” në Londër, i cili do të prezantojë disa publikime të hershme, që nga vitet 1950, tregon për prezencën, mund të themi ekskluzive të femrave në këtë zhanër.

Shume prej këtyre kompozitoreve shfaqen më pak, apo janë nën hijen e kolegëve të tyre meshkuj, mirëpo janë po aq përgjegjëse për formësimin e të ardhmes së këtij zhanri.

Disa nga këto figura janë Daphne Oram, e cila kompozoi në BBC Radiophonic Workshop, Laurie Spiegel dhe Eliane Radigue, që kishin studion e tyre në vitet 1970 etj.

Ndërsa për herë të parë në festivalin e lartpërmendur do të shfaqet edhe puna e Still Point, e vitit 1950, e cila kombinoi tingujt të incizuar paraprakisht nga disqe nën përcjelljen e një orkestre “live”.