Ju që keni vëllezër ose motra përpara jush, merrni zemër!
Kjo pasi sipas një studimi, ju jeni drejtues më të mirë të makinës sesa ‘fëmija i artë’ i prindërve tuaj, shkruan Independent, transmeton Klan Kosova.
Ky studim thotë se fëmija i madh është më i prirë për të vozitur shpejt, ndëshkohet më shumë në trafik për tejkalim të shpejtësisë dhe të shkaktojë më shumë aksidente.
Por kjo nuk vlen për “të vegjlit” që janë shumë më të kujdesshëm – shoferë të sigurt.
Në këtë studim për mostër janë përfshirë një 1395 vozitës dhe në fund ka dalë se 87 për qind e fëmijëve të parë nuk i përfillin shumë rregullat e komunikacionit, krahasuar me 13 për qind të vëllezërve ose motrave të tyre që vijnë pas tyre.
