Falë “efektit GPT” tani mund të filloni të shihni edhe chatbot tjerë me inteligjencë artificiale

Mjetet e mëdha të modeleve të gjuhëve nuk janë diçka e re, por popullariteti i menjëhershëm i ChatGPT i OpenAI ka vënë përballë Microsoft-in kundër Google në “luftërat e kërkimit në internet dhe madje mund të ndryshojë mënyrën se si do të duket interneti.

Chatboti i ri Bing i Microsoft-it, i mundësuar nga teknologjia e OpenAI si pjesë e partneritetit të tyre “miliardë dollarësh”, është ende duke punuar përmes defekteve të dukshme. Chatbot i inteligjencës artificiale i Bing ka bërë tashmë një emër për përgjigjet e tij të çuditshme me përdoruesit që kanë pasur mundësi ta testojnë atë.

Por zhurma rreth saj duket ende e fortë – me ekzekutivin e Microsoft-it, Yusuf Mehdi, i cili gjatë javës së kaluar në Twitter postoi se ” miliona njerëz” janë në listën e pritjes për të provuar robotin dhe se ai po testohet në “169 vende”, raporton Insider, transmeton Telegrafi.

Ndërkohë Google duket se po punon për të nxjerrë në treg chatbotin e tij Bard AI, me drejtorin ekzekutiv Sundar Pichai që u kërkon punëtorëve të tij që të punojnë edhe më shumë për ta bërë ati gati për treg sa më shpejtë që të jetë e mundur.

Teknologjia premton të transformojë kërkimin nga një pyetje e zakonshme që nxjerr rezultatet e listimit të faqeve. Testet nga Insider të Bing-ut të ri, për shembull, zbuluan se ishte një proces ndërveprues ku chatboti ndonjëherë mund të vepronte si një asistent për të shfletuar shpejt internetin për të bërë rekomandime specifike për udhëtime dhe për të parë peisazhet ose për të krijuar orare ditore.

Por ai model i tipit bashkëbisedues, i asistentit të inteligjencës artificiale mund të përkthehet në aktivitete të tjera që konsumatorët bëjnë në internet, si blerjet, ose menaxhimi i buxheteve të tyre, ose gjurmimi i ushtrimeve të tyre, tha Prasanna Arikala, shefe e teknologjisë në kompaninë Kore.ai me bazë në Orlando.

Sfida, siç e ka pranuar edhe vetë udhëheqsia e OpenAI, do të jetë të sigurohet që chatbotët të ofrojnë informacion të besueshëm. /Telegrafi/