Ez Abde u përjashtua me të kuq vetëm dy minuta pas inkuadrimit, goditi kundërshtarin

Sulmuesi i Osasunas, Abde Ezzalzouli ishte i pafat apo më mirë të themi u tregua shumë agresiv gjatë një rasti në ndeshjen ndaj Cadizit, pasi u ndëshkua me karton të kuq pa i bërë mirë dy minuta të plotë në fushë.

Osasuna mori një fitore të madhe me rezultat 1-0 në udhetim te Cadizi në ndeshjen e vlefshme për javën e 31-të.

Goli i vetëm për skuadrën e Jagoda Arrasate u shënua në minutën e 62-të nga Ruben Garcia.

Megjithatë, vëmendjen e ka vjedhur një rast i ndodhur në fund të ndeshjes, me akter kryesor sulmuesin Ez Abde.

at first i didn’t either , but he clearly hit the other player’s foot here when he had no ball pic.twitter.com/X9Ulo3tAzU

— rita ? (@28_ERITA) April 25, 2023

Ez Abde mori një karton të kuq në minutën e 85-të të ndeshjes, ende pa i mbushur mirë dy minuta të plota në lojë.

I huazuari nga Barcelona pati një incident, duke goditur me këmbë një lojtar të Cadizit dhe për këtë gjyqtari nuk mendoi dy herë për ta përjashtuar.

he took it very well!!! pic.twitter.com/IxFZa1QDzE

— rita ? (@28_ERITA) April 25, 2023

Abde do të jetë shumë i zhgënjyer me përfshirjen e tij në incident, i cili tani do ta shohë atë të vuajë një pezullim, me finalen e Kupës së Mbretit kundër Real Madridit më pak se dy javë larg.

Është ende e paqartë se sa do të jetë kohëzgjatja e pezullimit që do të marrë Abde, por mund t’i mungojë Osasunas në ndeshje të rëndësishme si ato ndaj Real Sociedad dhe Barcelonës, përpara finales më 6 maj ndaj Real Madridit. /Telegrafi/