Evertoni po kalon periudhë të keqe, kryesia e klubit u paralajmërua që të mos futej në stadium pas protestave të tifozëve

I gjithë bordi dhe drejtuesit e gjigantit anglez Everton ishin urdhëruar të mos marrin pjesë në ndeshjen e sotme në Ligën Premier ndaj Southampton.

Nëntë herë kampioni anglez, Everton, po përballet me një nga krizat më të mëdha të rezultateve në histori dhe skuadra është vendosur në zonën e rënies. Agresiviteti dhe protestat e tifozëve të pakënaqur po shtohen dhe për këtë klubi sot ka lëshuar një komunikatë për media.

Everton theksoi se e gjithë menaxhmenti i klubit është urdhëruar të mos marrë pjesë në ndeshjen e sotme kundër Southampton e cila u mbyll me humbjen e tyre prej 2-1.

“Presidenti Bill Kenëright, shefi ekzekutiv Denise Barrett-Baxendale, zyrtari kryesor financiar dhe strategjik Grant Ingles dhe drejtori joekzekutiv, Graeme Sharp pranuan pa dëshirë rezultatin e një vlerësimi sigurie të kryer nga këshilltarët. Anëtarët e bordit morën urdhrin pas kërcënimeve dashakeqe të marra ndaj klubit dhe incidentet në rritje, duke përfshirë agresionin fizik të synuar në ndeshjet e fundit në shtëpi”, thuhej në deklaratën e Everton.

Club Statement:

— Everton (@Everton) January 14, 2023

Pas kësaj janë sqaruar fjalët e këshilltarit të klubit për sigurinë.

“Pas një vlerësimi të plotë të rrezikut dhe në përgjigje të kërcënimeve të prekshme të marra nga klubi dhe informacionit të mbledhur nga ne, anëtarëve të menaxhmentit të klubit u është thënë se ata mund të mos marrin pjesë në ndeshjen e sotme”, shkruhej në deklaratën e Everton.

Një zëdhënës i klubit tha se ky ishte një precedent në Everton dhe se klubit kurrë më parë nuk i është dashur të urdhërojë të gjithë bordin e drejtorëve që të mos marrin pjesë në një ndeshje për arsye sigurie.

The Blues 🔵#EVESOU pic.twitter.com/6p5OftWZEM

— Everton (@Everton) January 14, 2023

“Kjo është një ditë e trishtuar për Everton”, thuhet në një deklaratë të klubit.

Meqë ra fjala, pronari i Evertonit, Farhad Moshiri, së fundmi i dha një votëbesim dhe vendosi të lërë trajnerin Frank Lampard në bankinë, pavarësisht rezultateve të dëshpëruara së fundmi.

Pas humbjes së sotme Evertoni është në vendin e 19-të me 15 pikë aq sa kanë edhe Southampton dhe West Ham. /Telegrafi/