Komuna Plava është njësi administrative e nivelit lokal në Mal të Zi, por shqiptarët janë në një numër të madh në këtë zonë.
Fatkeqësisht organizimet për qytetarët shqiptarë në këtë zonë nuk janë të shumta, por edhe në këtë aspakët ka filluar të ketë lëvizje pozitive.
Familja Qosaj ka hapur diskotekën e parë shqiptare në këtë vend dhe ishin Etnon ata që argëtuan vendasit.
Për këtë Genc Prelvukaj është ndjerë i privilegjuar dhe emocionet e kësaj nate të veçanta i ka rrëfyer për Telegrafin.
“Koncerti në Guci (Plavë) për herë të parë në karrierë. Atmosfera ishte fenomelane dhe ajo që më bëri përshtypje ishte numri i madh i shqiptarëve, edhe pse sezona ende nuk ka filluar atje. Numri i të pranishmëve ishte mbi 500”.
“Është koncerti i parë shqip atje dhe njëkohësisht diskoteka e parë shqiptare në vend. Për mua ishte diçka e veçantë”, ka thënë Genci. /Telegrafi/
