Është zhdukur që nga maji i vitit 2021, policia kërkon ndihmë për gjetjen e Zarife Igrishtës nga Obiliqi

Policia e Kosovës ka kërkuar ndihmën e të gjithë atyre që mund të kenë informacione për vendndodhjen e Zarife Igrishtës nga Obiliqi, e cila është zhdukur në maj të vitit 2021.

“Ju njoftojmë se më datë 05.05.2021, në polici është raportuar për një person të zhdukur. Bëhet fjalë për personin, Zarife Igrishta e lindur në vitin 1982, banuese në fshatin Mazgit të Obiliqit.

Që nga dita e raportimit deri më tani, njësitet policore te hetimeve, kërkimeve  si dhe patrullat në koordinim me prokurorinë përkatëse dhe në bashkëpunim të ngushtë me familjarët, kanë ndërmarrë një varg veprimesh si :

-intervistime të personave që mund të ndihmojnë në gjetjen e vendndodhjes së personit,

-kontrollimi i hyrje- daljeve, në të gjitha pikat kufitare,

-kërkime në zona që personi kishte frekuentuar zakonisht (ambiente të mbyllura dhe të hapura),

-analizimi dhe hetimi i çdo lloj informacioni që lidhet me personin, etj”, thuhet në njoftim.

Policia ka bërë të ditur se veprimet dhe kërkimet policore janë duke vazhduar, mirëpo Njësia rajonale e hetimeve të përgjithshme, pas marrjes së autorizimit nga ana e prokurorit të shtetit, kërkon kontributin qytetar.

“Andaj, inkurajojmë të gjithë ata që kanë çfarëdo lloj informacioni, që ndërlidhet me të, t’ia kalojnë ato policisë përmes numrave :192 apo 045192092”, thuhet në njoftim. /Telegrafi/