A është ky fundi i laboratorëve të marihuanës në Kosovë, me të cilët është i lidhur Milan Radoiçiq: Një tjetër “biznes” mund të pësojë goditje

Marrëveshja e nënshkruar së fundi ndërmjet KEDS-it dhe Elektroseverit KEDS, jo vetëm që do të thotë se konsumatorët në veri të Kosovës do t’i pranojnë faturat e energjisë elektrike, por edhe laboratorët për kultivimin e marihuanës, si dhe për minimin e kriptovalutave, të cilat lulëzuan vitin e kaluar në territorin e Kosovës.

KEDS ka njoftuar të shtunën se ka nënshkruar kontratë me Elektroseverin që synon normalizimin e shpërndarjes dhe furnizimit me energji elektrike në komunat Zubin Potok, Leposaviq, Zveçan dhe në Mitrovicën Veriore.

Lexo po ashtu Të gjithë kultivuesit kanë qenë nën kontrollin e Milan Radoiçiqit – BIRN sjell “detaje rreth 11 laboratorëve të marihuanës, të zbuluar në veri të Kosovës”

Kjo do të thotë se serbët nga veriu i Kosovës më në fund do të paguajnë energjisë elektrike, të cilën gjë nuk e kanë bërë që pas përfundimit të luftës në vitin 1999. Kjo marrëveshje do të mundësojë të kuptojmë se ku konsumohet më së shumti energjia elektrike dhe kjo do të jetë goditja më e madhe për laboratorët e marihuanës në veri të Kosovës, raporton nova.rs.

Policia e Kosovës ka raportuar së fundmi se ka zbuluar 11 laboratorë në veri, madje disa prej tyre kanë qenë të lidhur me biznesmenin kontrovers dhe ish-nënkryetarin e Listës Serbe, Milan Radoiçiq, i cili është në kërkim nga INTERPOL-i si organizator i sulmit terrorist në Banjskë, transmeton Telegrafi.

Prej kohësh qarkullojnë informacione se Radoiçiq është i përfshirë në aktivitete kriminale dhe tani autoritetet e Kosovës e kanë lidhur atë me një nga bizneset më fitimprurëse për krimin e organizuar, që është prodhimi dhe shitja e marihuanës.

Edhe pse në pamje të parë nuk mund të krahasohet me fitimet nga llojet e tjera të lëndëve narkotike, si kokaina apo heroina, nuk është kështu. Dy avantazhet më të rëndësishme në tregtimin e marihuanës janë se ajo mund të rritet kudo dhe nuk kërkon ndonjë përpunim të veçantë dhe se tregu është shumë më i madh, kështu që qarkullimi është i madh.

Prej kohësh dihet se sasi të mëdha të marihuanës vijnë nga Kosova, por nuk dihej se kush ishte prodhuesi. Vendet ideale për prodhimin e marihuanës janë në afërsi të kufirit, të cilat janë në duart e “biznesmenëve kontrovers”, dikur thoshte politikani i vrarë nga Mitrovica e Veriut, Oliver Ivanoviq shkruan kjo media në Serbi.

Prej disa kohësh, publiku mund të dëgjonte se janë të paktën tre laboratorë për kultivimin e marihuanës, që mund të jetë edhe më i madh se “Jovanjica”, e cila u zbulua në vitin 2019 dhe që u cilësua si një nga më të mëdhenjtë në këtë pjesë të Evropës.

Konsumi i lartë i energjisë

Bëhet fjalë për laboratorë të pajisur me pajisje moderne. Edhe pse marihuana mund të rritet në fushë, për të pasur një rendiment më të lartë dhe një drogë më cilësore, prodhuesit e mëdhenj e kultivojnë atë në kushte artificiale. Kjo do të thotë se ka një shumëllojshmëri pajisjesh, nga sistemet e ujitjes, filtrat e ajrit e deri te ngrohësit. Është një investim i madh dhe kërkon edhe logjistikë të madhe.

Të gjitha pajisjet dhe pajisjet për rritjen e marihuanës në kushte artificiale janë konsumatorë të mëdhenj të energjisë elektrike, të cilën deri më tani askush nuk e ka paguar.

Ishte një lehtësim për serbët që jetojnë atje në kushte jashtëzakonisht të vështira, por sigurisht që u keqpërdor edhe nga kriminelët, mes tyre edhe kultivuesit e marihuanës.

Tashmë, pikërisht nga konsumi i energjisë elektrike, autoritetet kosovare do të mund të gjurmojnë lokacionet ku prodhohet marihuana. Edhe nëse nuk janë të kyçur në njehsorin e energjisë elektrike, por në shtyllë, duke krahasuar numrin e konsumatorëve me sasinë e energjisë elektrike të konsumuar, që është praktikë e zakonshme e shumë vendeve evropiane, pjesëtarët e policisë së Kosovës do të mund të lokalizojnë dhe t’i arrestojnë ata.

Një goditje edhe për minierat e kriptomonedhave

Marrëveshja do të jetë gjithashtu një goditje e madhe për proshuesit e kriptomonedhave.

Kosova vitet e fundit është bërë parajsë e minierave pikërisht për shkak të rrymës pa pagesë në veri.

“Kosova është bërë pikë e njohur në Evropë si një vend ku fitohet shumë nëse ke miniera të kriptomonedhave. Çelësi qëndron në dy gjëra: një situatë komplekse socio-politike që ka si produkt mungesën e ligjeve dhe faturat e energjisë elektrike që nuk janë paguar në veri të Kosovës që nga lufta e vitit 1999”, tha një qytetar që dëshiroji të mbetej anonim sipas këtij mediumi serb.

“Infrastruktura e plotë digjitale e përdorur për të minuar kriptovalutat kushton mjaft, por puna është plotësisht fitimprurëse kur nuk paguan për energjinë e përdorur. Problemi është se një numër shumë i vogël njerëzish zotërojnë shumë makina dhe në këtë mënyrë është krijuar një çekuilibër i plotë. Si pasojë, Kosova po përballet me krizë energjetike dhe se Qeveria e ka bërë të qartë vetëm në fund të vitit 2021 se cili ishte problemi, kështu që ka organizuar konfiskimin masiv të kartave grafike në mbarë Kosovën, duke përfshirë edhe veriun, ku janë gjetur disa qindra të tilla”, thekson kjo media.  /Telegrafi/