“Është goli më i mirë që kam shënuar për Barcelonën”, Lamine Yamal flet pas ‘veprës artistike’

Lamine Yamal bëri një tjetër shfaqje brilante në ndeshjen e dytë të fazës së 1/8-tës kundër Benficas. Loja e tij ishte e shkëlqyer, njësoj sikurse goli nga distanca.

Barcelona fitoi me rezultat 3-1 ndeshjen kthyese ndaj Benficës duke siguruar kualifikimin në çerekfinale falë dy golave të Raphinhas dhe një të Yamal.

Me golin dhe fitoren ndaj portugezëve, që i çon në çerekfinale është shprehur shumë i lumtur edhe vetë Lamine.

Lexo po ashtu Tifozët nuk mund ta besojnë atë që ndodhi menjëherë pas super golit që shënoi Lamine Yamal për Barcelonën

“Është goli më i mirë që kam shënuar me Barcelonën, në të njëjtin nivel me atë që kam shënuar në Evropian”, ka thënë Yamal pas ndeshjes.

Në moshën e tij të re, lojtari i Barçës është një rekordmen i vërtetë. Në ndeshjen kundër Benficës, Lamine u bë lojtari më i ri që shënoi gol dhe asistoi në të njëjtën ndeshje.

Me golin ndaj portugezëve, lojtari i Barçës tani ka 12 gola këtë sezon. Ai ka shënuar në të katër garat ku ka marrë pjesë, ndonëse është duke luftuar më shumë se sa pritej në ligë. E nisi shumë mirë, por që nga 26 tetori në El Clasico nuk ka shënuar më. /Telegrafi/