Erdogan kërcënoi Haradinajn – Kosova ta tërheq ambasadorin nga Ankaraja

Ish – diplomati kosovar, Lulzim Peci, ka kërkuar veprime nga shteti i Kosovës, pas kërcënimit të hapur që presidenti turk i ka bërë kryeministrit të Kosovës.

Ai ka thënë si hap të parë duhet tërhequr në konsultime Ambasadori kosovar në Ankara.

Presidenti i Turqisë, Recep Tayyip Erdogan ka kërcënuar hapur kryeministrin e Kosovës, Ramush Haradinaj, për shkarkimin e dy personave të cilët ishin përgjegjës për operacionin që arrestoi ‘gylenistët’. Erdogan në një tubim të madh të partisë së tij, i ka thënë Haradinajt se do të japësh llogari për këtë.

Ndërsa, Peci tash drejtor i KIPRED-it, ka thënë se pas kësaj deklarate të Erdoganit ndaj Kryeministrit te Kosovës, Qeveria duhet ta tërheq në konsultime Ambasadorin e Kosovës në Ankara dhe se paku t’i dërgoj demarsh ambasadores turke në Prishtinë.

Ai ka paralajmëruar zhvillime të tjera që na presin pas këtyre të fundit.

“Uji i Watergate kosovar – Erdogangate po nxehet”, ka thënë Peci.

Presidenti turk i ka thënë Haradinajt, se kosovarët, popull vëlla i Turqisë, nuk e meritojnë një kryeministër si ai. /Telegrafi/

Postimi i Lulzim Pecit:

Pas kesaj deklarate te Erdoganit ndaj Kryeministrit te Kosoves, Qeveria duhet ta terheq ne konsultime Ambasadorin tone ne Ankara dhe se paku t’i dergoj demarsh ambasadores turke ne Prishtine.

Uji i Ëatergate kosovar – Erdogangate po nxehet.