LAJMI I FUNDIT:

Erdogan i fton turqit që shitjen e pronave dhe qiradhëniet t’i bëjnë vetëm me lira turke

Erdogan i fton turqit që shitjen e pronave dhe qiradhëniet t’i bëjnë vetëm me lira turke

Në një përpjekje të re për të mbështetur monedhën vendase, presidenti turk Recep Tayyip Erdogan ka vendosur që shitjet e pronave apo marrëveshjet e qiradhënies së tyre të bëhen vetëm në lirën turke, duke i dhënë fund kështu lejimit të marrëveshjeve të tilla në valuta të huaja.

Vendimi, i botuar në “Fletoren Zyrtare” të Turqisë gjatë së enjtes, thotë se kontratat e shitjes dhe marrëveshjet e qiradhënies në valuta duhet të konvertohen në lirën turke brenda 30 ditëve. Në të përfshihen edhe kontratat për biznese apo shërbime.

Shitjet apo qiradhëniet e pasurive të patundshme në valutë janë të zakonshme në Turqi, veçanërisht në sektorin e shitjeve me pakicë. Lira, ndërkohë, ka humbur rreth 40 për qind të vlerës së saj kundrejt dollarit amerikan gjatë këtij viti, në vazhdën e shqetësimeve për ndërhyrjen e Erdoganit në politikat monetare dhe një ngërçi diplomatik mes Turqisë dhe Shteteve të Bashkuara.


Erdogan, i cili është deklaruar armik i normave të larta të interesit, e ka quajtur krizën e lirës turke si një “luftë ekonomike” ndaj Turqisë, ndaj i ka nxitur vazhdimisht turqit që të shesin të gjitha kursimet e tyre në dollarë për t’i kthyer në lira.

Banka Qendrore e Turqisë zhvilloi një takim të enjten dhe pritet që të rrisë normat e interesit në mbështetje të lirës, ndërkohë që nuk e bëri diçka të tillë përkundër pritshmërive në takimin e fundit të muajit korrik. Që prej atëherë, lira ka humbur rreth 25 për qind të vlerës së saj, ndërsa treguesit e javës së kaluar flasin se inflacioni vjetor u rrit në 17.9 për qind gjatë gushtit. /Telegrafi/

Në trend Ekonomi

Më shumë
Kompanitë energjetike çojnë kërkesë në ZRRE për rritjen e çmimit të rrymës në Kosovë

Kompanitë energjetike çojnë kërkesë në ZRRE për rritjen e çmimit të rrymës në Kosovë

Ekonomi
Eurokoha zbulon sekretin si t’i kaloni pushimet e ëndrrave në Turqi me 40% zbritje

Eurokoha zbulon sekretin si t’i kaloni pushimet e ëndrrave në Turqi me 40% zbritje

Ekonomi
ASK: Bie eksporti në Kosovë, thellohet deficiti tregtar rreth 30 për qind

ASK: Bie eksporti në Kosovë, thellohet deficiti tregtar rreth 30 për qind

Ekonomi
​Qytetarët thonë se ndihen të mashtruar nga 'marketet' për mosvendosjen e ekraneve nga ana e konsumatorëve

​Qytetarët thonë se ndihen të mashtruar nga 'marketet' për mosvendosjen e ekraneve nga ana e konsumatorëve

Ekonomi
A do t'i kishin veshur legjendat e futbollit atletet rozë të modës së fundit?

A do t'i kishin veshur legjendat e futbollit atletet rozë të modës së fundit?

Ekonomi
Peci: Brenda dy javësh hapet thirrja që fermerët të aplikojnë për subvencione

Peci: Brenda dy javësh hapet thirrja që fermerët të aplikojnë për subvencione

Ekonomi
Kalo në kategori