Ekzistojnë pengesa ligjore për punë transparente të gjyqësorit në Maqedoni

Ndryshimi i kornizës ligjore të Ligjit për Këshillin Gjyqësor që u bë gjatë periudhës së fundit, e ka përmirësuar transparencën e këtij institucioni të rëndësishëm gjyqësor, posaçërisht në pjesën zgjedhjes së gjykatësve, publikimit të procesverbaleve në faqen zyrtare e kështu me radhë.

Instituti për të Drejtat e Njeriut në publikimin e fundit për transparencën Këshillit Gjyqësor, thotë, se përkundër përparimit që është bërë edhe më tej ekzistojnë pengesa ligjore për punë transparente të Këshillit në fjalë, shkruan gazeta KOHA.

“Gjatë kohës kur diskutohet për përgjegjësinë e gjykatësit apo kryetari të gjykatës, sipas normave ligjore këto seanca janë të mbyllura për opinioni. Por, kjo praktikë vazhdon të zbatohet edhe atëherë kur gjykatësi apo kryetari i gjykatës kërkojnë prezencën e publikut. Pra, në këto rrethana Këshilli Gjyqësor vendos se a do të lejoj apo jo opinionin të merë pjesë në këtë seancë. Gjithashtu kontradikta e radhës lidhet me dispozitën e nenin 32, paragrafi 2, me çka parashihet që Këshilli gjyqësor mund ta përjashtoi opinionin, me qëllim ruajtjen e reputacionit dhe dinjiteti të gjykatësit, mes tjerash edhe për gjykatësit kandidat. Ndërkohë, gjykatësi kandidat para Këshilli mund të paraqitet vetëm në procedurë për zgjedhje të gjykatësit, për të cilën raste në paragrafin 4 është paraparë prezenca e obliguar e opinionit”, thonë nga Instituti për të Drejtat e Njeriut.

Të dhënat e siguruara nga Instituti për të Drejtat e Njeriut, thonë se Këshilli Gjyqësor nuk disponon me plan për komunikimi me opinionin. Siç thuhet në Publikimin fundit të IDNJ-së, në vitin 2016, Këshilli ka miratuar një Doracak për komunikim me gjykatat, ku përshkruhen mënyrat dhe llojet e komunikimit të gjykatave me publikut.

Megjithatë, në këtë Doracak nuk theksohet mënyrë e komunikimit që Këshilli Gjyqësor duhet ta ketë me opinionin. Monitorimi i vazhdueshëm i punës së Këshillit Gjyqësor, nga IDNJ ka ndikuar që kjo e fundit të konstaton se Këshilli në fjalë si një ndër institucion më të rëndësishme gjyqësor në vend ka nevojë për përmirësim të strategjisë për komunikim.

“Përveç vendosjes procedurave formale (kryetar – zëvendës), përfshi edhe PR shërbimin e Këshillit Gjyqësor, vlerësojmë se ky institucion duhet të prezantohet në opinioni përmes formave të ndryshme siç janë deklaratat publike, intervistat, TV debatet, debatet profesionale, brifingjet me gazetar e kështu me radhë”, thonë nga IDNJ-ja.

Ndryshe nga përcjellja e punës së Këshillit Gjyqësor dhe aktiviteteve që ato i realizohet, IDNJ ka konstatuar se faqja zyrtare e këtij institucioni përmban të dhënat bazë për punën e tyre, megjithatë për shkak të ngjashmërisë së kumtesave shumë lehtë mund të vije deri te keqkuptimi i përmbajtjes së njoftimeve të tyre.

Po ashtu, nga IDNJ thonë se gjatë kërkimit të ndonjë informacioni në ueb faqen e Këshillit, shumë lehtë mund të vërehen mungesat kronologjike të shkresave. Për mënjanimin e këtyre mungesave nga atje theksojnë se Këshilli Gjyqësor duhet të furnizohet me pajisje dhe kuadro të përshtatshme./Koha/