Ekspertët: Të publikohen të gjitha “bombat”

Ekspertët vendor si dhe Komisioni i Venecias vlerësojnë se bisedat e përgjuara që i posedonte opozita duhet të publikohen. Edhe pse rekomandimet e komisionit nuk janë obliguese për shtetet, ato bazohen në aspekte serioze juridike dhe është mirë të pranohen, njofton Alsat M.

“Por nga ana tjetër nëse nuk publikohen paraqesim një pamje të qartë për shtetin, që do të thotë qëndrime regresive që nuk janë në përputhje me standardet ndërkombëtare”, tha Zoran Bojanovski, gazetar.

“Teza ime është se ka dyshime të mëdha se sovraniteti qytetarëve është grabitur nga partitë politike”, u shpreh Voislav Stojanovski, ekspert juridik.

Ekspertët që morën pjesë në debatin “Shprehja e interesit publik” porositën që mediat të bëjnë dallimin mes pasimit të informacioneve që janë me interes publik dhe ato që hyjnë në privatësi. Problem i veçantë është shfrytëzimi i rrjetave sociale si burim i informacioneve.

“Por çdo herë duhet të kihet parasysh dallimi mes personave publik dhe personave më pak publik dhe në ç’farë niveli mund të ketë të drejtë të privatësisë”, deklaroi Elena Stojanovska, magjistre e komunikimit.
Vlerësimi i përgjithshëm i ekspertëve është se vitet e kaluara ritet numri i medieve të cilat gjatë publikimit të informacioneve tejkalojnë kufirin e privatësisë. /Telegrafi/