Ekipi “Bero Kingdom” shpallet fitues i “Streetball Gjakova 3×3”

Gjatë ditës së djeshme në qytetin e Gjakovës, përkatësisht në Parkun e Madh të qytetit është zhvilluar “Streetball Gjakova 3X3”, garë e cila i kishte munguar Gjakovës që nga viti 2019.

Në këtë garë morën pjesë 8 ekipe nga qytete të ndryshme të Kosovws, dhe pati përballje shumë interesante, ku në finale u përballën ekipi nga Gjakova “Hoop Squad”, dhe ekipi nga Prizreni “Bero Kingdom”, ku në fund fitues doli ekipi “Bero Kingdom” të cilët u shpërblyen me një çmim prej 500 eurove.

Sipas njërës prej organizatoreve të kësaj ngjarjeje sportive ne Gjakovë, Viola Tanushi, tha që pavarësisht kohës së shkurtër që kanë pasur për organizmin e kësaj ngjarjeje, gjithçka ka shkuar në mënyren më të mirë të mundshme.

“Fillimisht e kemi pasur të ëshitë për shkak që e kemi pasur një kohë shumë të shkurtër për organizim, por për shkak të interesimit të madh të ekipeve, dhe gatishmërisë së shumë njerëzve për të na ndihmuar, ja kemi dalur që këtë organizim ta bëjmë në  mënyrën më të mirë të mundshme.”, u shpreh Tanushi për Telegrafin.

Ndër të tjera u tha që tashmë kjo ngjarje sportive pritet të kthehet në një traditë në qytetin e Gjakovës./Telegrafi/