Skuadra moldave e Sheriff Tiraspolit po udhëheq 2-0 ndaj FC Prishtinës pas pjesës së parë të ndeshjes së raundit të parë kualifikues në Ligën e Evropës.
Golin e parë për vendasit e realizoi Cyrille Bayala në minutën e 11-të, pas një asistimi nga sulmuesi shqiptar Amarildo Gjoni.
Bayala u tregua sërish i saktë në minutën e 19-të, kur shënoi me goditje nga brenda zonës, pas një topi të devijuar nga një ndërprerje.
Prishtina pati disa mundësi të mira për të ngushtuar rezultatin. Fillimisht Aridian Muja goditi drejt portierit, ndërsa në vazhdim Valmir Veliu e goditi shtyllën.
Një rast tjetër të mirë e kishte edhe Blend Baftiu, por nuk arriti të finalizonte.
Kryeqytetasit do të tentojnë të reagojnë në pjesën e dytë dhe të rikthehen në lojë përpara ndeshjes së kthimit në Prishtinë./Telegrafi/
