Duke postuar fotografi të ushqimit në Instagram, vetëm sa shtoni peshë më shumë

Të gjithë e dimë se një pjatë me palapeta nuk do t’ia vë zjarrin Instagram-it.Kështu, si ia bëni që ushqimi juaj t’ia vlejë të postohet në Instagram?

Epo, ju mund t’i shtoni pak gjalpë arrash, disa copa dredhëze në forma të zemrës, dhe një rriskë të bukur djathi, transmeton Telegrafi.

Të gjitha këto, bashkë me një shkrepje të fotografisë nga një kënd i mirë, bëjnë që pjata juaj ta ‘meritojë’ të del në Instagram.

Por është shumë lehtë të harrohet se duke i shtuar të gjitha këto ushqime në pjatë, përveç se i bën ato të duken më të bukura, gjithashtu na bën edhe neve të hamë më shumë se ç’kemi nevojë.

https://instagram.com/p/Bf6aXWYn718/?utm_source=ig_embed

Amanda Meixner, 26 vjeçe, është blogere nga Ohio e cila përpiqet ta rritë vetëdijesimin sa i përket rëndësisë së ushqimit.

Në një postim të fundit, ajo e krahason “proporcionin e duhur” për të me një pjatë tjetër që ia vlen t’i shkrepet një fotografi dhe të postohet në Instagram.

Ajo tregon se pjata e dytë (idealja për t’u postuar në Instagram) përmban dyfish më shumë kalori, prandaj edhe duket më bukur. /Telegrafi/