Dueli i dekadës: Medalja e artë për unazën e Superbowl – ‘çmenduria’ që duan ta bëjnë Usain Bolt e Tyreek Hill

Ylli i NFL, Tyreek Hill dhe Usain Bolt kanë vendosur për një garë sprinti për të parë se kush është më i shpejti me xhamajkanin që mbanë ende titullin si njeriu më i shpejtë në planetë.

Hill sugjeroi një garë 40 metra, por tetë herë kampioni olimpik sugjeroi që një distancë prej 70 metrash do të ishte e drejtë për të dy.

Duke folur në The Dan Patrick Show, Bolt tha: “Unë ende nuk mendoj se ai mund të më mposht në 40 metra”.

Bolt pranoi se gjatësia e tij do të thotë se ai do të ishte më i ngadalshëm në atë distancë sesa ylli i NFL, por pretendoi se Hill nuk do të ishte në garë pasi të kishte arritur hapin e tij.

Xhamajkani tha: “Është sepse jam i gjatë, kështu që më merr pak kohë për të hyrë në vrapim”.

“Nëse mund të jem në formë, e kam vërtetuar tashmë se nëse vërtet ngrohem dhe bëhem gati për t’u nisur, mund të vrapoj shpejt”.

Ai sugjeroi që Bolt mund të vendoste një nga medaljet e tij të arta si një bast, ndërsa Hill mund të vinte bast unazën e tij Superbowl në rezultatin e garës, të cilës sprinteri iu përgjigj: “Kjo do të ishte e madhe”.

Bolt shtoi, megjithatë, se ai nuk mendonte se Hill do ta merrte atë me një ofertë të tillë.

“Unë nuk mendoj se ai do të shkojë për këtë”, shtoi ai. “Ai ka folur, kështu që do të shohim. Ne duhet të mendojmë pak për atë”.

“I kam shkruar atij: ‘Nëse vazhdon të flasësh, unë thjesht mund të shfaqem’”.

Hill shkroi në Twitter duke iu kundërpërgjigjur Boltit: “Unë do të jem gati”.

Rekordi botëror i Bolt në vitin 2009 në vrapimin 100 metra prej 9.58 sekondash qëndron ende pas 12 vitesh më vonë. Më e shpejta e Hill ishte 4.29 sekonda në fushë në vitin 2016, por distanca ishte përgjysmë më e shkurtër. /Telegrafi/

Usain Bolt joined the @dpshow Thursday morning to discuss potentially racing against Chiefs WR Tyreek Hill.

"If you keep talking, I might just show up," Bolt said he texted to Hill.

🎥 @dpshow pic.twitter.com/Ybpkj5woLn

— The Athletic (@TheAthletic) August 12, 2021