Nesër dhe pasnesër, më 3 dhe 4 korrik, në Sallën e Kuqe, festivali i parë i gamingut XP Game Fest i bashkon lojtarët më të mirë të video lojërave si Dota dhe CS:GO, e njëkohësisht edhe adhuruesit më të mëdhenj, në super finalet.
CS:GO CHAMPS – 3 korrik
Të shtunën e 3 korrikut, në Sallën e Kuqe fillimisht do të luajnë në gjysmë finale prej orës 13:00 ekipi “Throw P.” me “ELITE” .
Pasi përcaktohet finalisti i parë, “ALIG.B” dhe “SKUAK” do të luajnë për t’u përcaktuar edhe finalisti i dytë. Kjo lojë zhvillohet nga ora 15:30.
Për rekreacion të shikuesve, do të zhvillohet një showmatch nga ora 18:00, i cili do t’i paraprijë finales së madhe prej orës 19:00.
Vlen të ceket se fituesi i kësaj gare do të shpallet kampion nacional i Kosovës dhe pastaj do ta përfaqësojë vendin tonë në garat botërore që do të zhvillohen në Izrael.
DOTA KALLIM 2 FINALS – 4 korrik
Pas kualifikimeve të mbushura me emocione e lojë tejet interesante, edhe turneut të lojës DOTA po i vjen fundi, ku edhe këtu do të zgjedhet fituesi.
“BLINK”, “DIVINITY” dhe “PONTE ESPORTS” janë top 3 ekipet që do të luftojnë për vendin e parë, e ku fituesi i këtij turneu do të shpallet pas lojës finale në ora 18:00.
ÇFARË TJETËR DUHET TË DINI?
Ndonëse me sfida të shumta, XP Game Fest është festivali i parë i gamingut në Kosovë, i cili në komunitetin e adhuruesve të video-lojërave po shquhet për nivelin e lartë të profesionalizmit dhe korrektësisë.
XP Game Fest qysh nga fillimi ka dhuruar shpërblime të shumta për shikuesit dhe ka ofruar emocione të papërshkrueshme duke kontribuar në shtyrjen përpara të industrisë së esports në Kosovë.
Ky festival i fton të gjithë individët dhe bizneset që të kontribuojnë në zhvillimin e kësaj industrie dhe ta përkrahin komunitetin e gamingut.