Dorëhiqet kancelari austriak, Karl Nehammer

Kryetari i Partisë Popullore të Austrisë (OVP) dhe kancelari, Karl Nehammer njoftoi se negociatat për koalicion mes partisë që drejton dhe asaj Social Demokrate të Austrisë (SPO) përfundimisht kanë dështuar. Në të njëjtën kohë, ai njoftoi largimin nga kreu i OVP dhe posti i kancelarit.

“Ne kemi bërë të gjitha përpjekjet deri më tani, por një marrëveshje për çështjet kryesore nuk ishte e mundur. Në rrethana të tilla, nuk ka kuptim të vazhdohet për hir të së ardhmes pozitive të Austrisë”, tha Nehammer në një video-fjalim të shkurtër, shkruan euronews.

Nga ana e PSO-së thonë se i kanë zgjatur dorën e bashkëpunimit deri në momentin e fundit, por se OVP-ja nuk ka treguar gatishmëri për kompromis. Pikat kryesore të mosmarrëveshjes lidheshin me ribalancimin e buxhetit, me insistimin e SPO për taksat e pronës dhe trashëgimisë, të cilat OVP-ja i hodhi poshtë kategorikisht.

Wir haben lange und redlich verhandelt. In wesentlichen Punkten ist mit der SPÖ keine Einigung möglich. Die Volkspartei steht zu ihren Versprechen: Wir werden leistungs- und wirtschaftsfeindlichen Maßnahmen oder neuen Steuern nicht zustimmen. Daher beenden wir die Verhandlungen… pic.twitter.com/evKgQbtTwq

— Karl Nehammer (@karlnehammer) January 4, 2025

Në video-mesazh, Nehammer vuri në dukje se forcat shkatërruese brenda SPO-së po marrin rol kyç dhe se OVP nuk do të mbështesë programe që, sipas tij, janë “armiqësore ndaj ekonomisë, konkurrencës dhe vendeve të punës”. Ai shtoi se duhet të jetë i gatshëm për kompromise në negociata, por jo në kurriz të interesave të qytetarëve.

“Unë e kam bërë gjithmonë të qartë se nuk do të mbështes taksat që dëmtojnë vendin tonë. Unë e kam mbajtur fjalën time”, theksoi Nehammer, duke shtuar se ai po largohet për të lehtësuar një transferim të rregullt të pushtetit.

Një takim i të gjithë drejtuesve të OVP-së provinciale është planifikuar për të dielën në mëngjes, ku do të vendosen hapat e mëtejshëm. Opsionet përfshijnë negociatat me FPO ose mbajtjen e zgjedhjeve të reja.

Ndryshe, kjo dorëheqje vjen pasi Neos, partneri i tretë në negociatat fillestare, u largua nga bisedimet e koalicionit, duke e komplikuar më tej situatën për ÖVP dhe SPÖ. /Telegrafi/