Donjet Bislimi, kandidati më i ri nga PDK-ja për asamble komunale në Mitrovicë

Partitë politike tashmë kanë bërë gati të gjitha përgatitjet për zgjedhjet lokale që do të mbahen më 22 tetor të këtij viti.

Të gjitha partitë tashmë kanë dorëzuar në KQZ listat me emrat e kandidatëve për kryetarë komune dhe listën me emrat e kandidatëve për asamble komunale.

Partia Demokratike e Kosovës dega në Mitrovicë kësaj radhe ka vendosur që në mesin e 38 kandidatëve për asamble komunale, të fus në listë edhe 23 vjeçarin, Donjet Bislimi i cili njihet për shumë aktivitete rinore.

Donjeti i cili aktualisht është student në Fakultetin e Mjekësisë së Përgjithshme, përpos angazhimeve në studime, ai është i angazhuar edhe si anëtar i kryesisë së rinisë së PDK-së në nivel qendror, dhe po ashtu anëtar i kryesisë së rinisë së PDK-së në Mitrovicë.

Një prononcim për Telegrafin, Donjet Bislimi ka thënë se është nderë për të që të jetë kandidat për asamble komunale.

Bislimi më tej ka treguar se në listë ai mban numrin 13, ndërkaq ka kërkuar përkrahjen e të gjithëve në mënyrë që të mund t’ia dalë kësaj sfide, të cilën vetë ai e konsideron si një nga sfidat më të mëdha që ka pasur deri më tash./Telegrafi/