Doli në takimin e parë me një burrë, ai porositi 100 “taco” dhe i kërkoi asaj t’i paguaj – rrëfimi i gruas në TikTok që u bë viral

Takimet me partneret potenciale me raste mund të jenë të sikletshme, e këtë e tregon më së miri rasti i një gruaje që në TikTok shpërndau një ngjarje që i ka ndodhur dhe që u bë virale.

Ajo kishte takuar një burrë përmes një aplikacion për takime, që i kishte shumë për qejf për Taco Bell, transmeton Telegrafi.

Elyse Myers shpërndau rrëfimin e saj në TikTok, si përgjigje ndaj pyetjes për përvojën e saj më të keqe në takim me ndonjë mashkull.

Ajo fillon të shpjegojë se para se të takonte bashkëshortin, kishte përdorur aplikacione të ndryshme për takime. Rrëfimin e fillon kur një burrë i bëri ftesë për një darkë romantike.

Kur Myers arriti, “partneri” i tha se kishte humbur çelësat dhe i kishte kërkuar që ajo të vozit mjetin e saj. I dha instruksionet dhe përfunduan në një restorant të ushqimit të shpejtë.

@elysemyersI haven’t been to a @tacobell since. #coffeetalk #theadhdway #firstdatefail #tacobell

♬ original sound – Elyse Myers

Gjërat u komplikuan edhe më shumë kur ai porositi 100 “taco”. Disa minuta më vonë, i tha se nuk po mund të gjej portofolin duke i kërkuar asaj që të paguaj.

E pavarësisht që u pajtua të paguaj, ata shkuan në shtëpinë e tij – për të vazhduar ngrënien e “taco” në kuzhinë. Sikur kjo të mos mjaftonte, aty iu bashkua babai i “partnerit”, që gjithashtu ishte i dhënë pas “taco”.

Aty e kuptoi se ata nuk mund të vazhdojnë tutje – duke i dhënë fund takimit. Videoja e saj u shpërnda dhe deri më tani është shikuar mbi 12 milionë herë.

Ajo konfirmoi se pagoi 100 “taco” që i kushtuan 150 dollarë. E derisa pritën porosinë, ai vazhdimisht i kishte folur për ish-partneren. /Telegrafi/