DKRS në Gjakovë nëshkruan kontratat për shpërndarjen e subvencioneve për klubet sportive

Drejtoria për Kulturë, Rini dhe Sport në Komunën e Gjakovës, në krye me drejtoreshën e kësaj drejtorie Adea Roka, ka bërë nënshkrimin e kontratave  me OJQ-të përfituese të subvencioneve për vitin 2024, të cilat zhvillojnë aktivitetet e tyre në fushën e sportit në Komunën e Gjakovës.

Lista e klubeve që kanë përfituar është : Klubi i Volejbollit “Vëllaznimi” (Konkurenca e meshkujve dhe e femrave), Klubi i Biliardos “8-shi”, “Kërcyesit e Urës”, Klubi i Shahut “Vëllaznimi”, Klubi i Tenisit “Sporek”, Klubi i Tenisit “Gjakova”, Klubi i Tenisit “HotShot”, Klubi i Badmintonit “Vëllaznimi”, Klubi i Karates “Dukagjini”, Klubi i Boksit “Sport Center”, Klubi Muay Thai “Gjakova”, Klubi i Boksit “Gjakova 137”, Klubi i Futbollit “Jakova” (femrat), Klubi i Futbollit “Dukagjini”, Klubi i Futbollit “Dardanët”, Klubi i Basketbollit “Vëllaznimi” (femrat), Klubi i Basketbollit “Gjakova – HG”, Klubi i Basketbollit “Vëllaznimi” (meshkujt), Klubi i Basketbollit “Pro-Gjakova”, Klubi i Sporteve “L3 Gjakova”, Shoqëria Bjeshkatare Alpiniste “Pashtriku”, Klubi i Kajakut “Zona”, Shoqata e të shurdhërve – Gjakovë, Klubi i Hendbollit “Shqiponja”, dhe Klubi i Hendbollit “Vëllaznimi”.

Disa përfaqësuesve të klubeve që ushtrojnë aktivitetetet e tyre sportive në qytetin e Gjakovës për Telegrafin thanë se ndarja e këtyre subvencioneve nga DKRS, është shumë e rëndësishme pasi do të ndihmojë mbarëvajtjen e aktiviteteve sportive të klubeve respektive

Ndërsa disa përfaqësues të disa klubeve përfituese për Telegrafin, janë shprehur të pakënaqur me shumën e ndarë nga DKRS, duke e ditur që për një seancë stërvitore në palestrën “Shani Nushi” duhet të paguhet me shumën prej 10 eurove, ndërsa një ndeshje duhet të paguhet me shumën prej 100 eurove. /Telegrafi/