‘Djajtë e Kuq’ i kthehen fitoreve, mposhtin me lehtësi kampionin e Ligës Premier (Video)

Manchester United ka fituar me lehtësi në udhëtim ndaj Leicester Cityt me rezultat 3-0.

Skuadra e Jose Mourinhos i është kthyer fitoreve në Ligën Premier, pasi tri barazimeve radhazi.

United arriti të dominoi të gjithë ndeshjen ndaj ‘Dhelprave’, por goli i parë i ndeshjes erdhi vetëm në minutën e 42, ku armeni Henrikh Mkhitaryan, shënoi një gol të bukur dhe kaloi skuadrën e tij në epërsi pas asistimit të Cris Smalling.

Megjithatë, nuk vonoi as dy minuta dhe ‘Djajtë’ ngirtën epërsinë në 2-0, ku kësaj radhe ishte futbollisti më i rrezikshëm i tyre, Zlatan Ibrahimovic, i cili mposhti portierin kundërshtar pas një harkimi të mirë për tokë nga Antonio Valencia dhe skuadrat shkuan me këtë rezultat në pushimin mes dy pjesëve.

Në pjesën e dytë, United gjeti edhe një gol të shpejt me anë të Juan Matas, i cili shënoi në minutën e 49 për 3-0 dhe pastaj me shumë qetësi menaxhoi ndeshjen.

Deri në fund të ndeshjes, Leicesteri u mundua të ngushtoj epërsinë me anë të disa sulmeve, por pa arritur të bëj diçka më shumë dhe ndeshja në fund përfundoi me fitoren 3-0 të skuadrës nga Manchesteri.

Pas kësaj fitore, United e sheh vetën në pozitën e pestë me 45 pikë apo dy më pak se pozita e katërt që dërgon në Ligën e Kampionëve, ndërsa kampionët aktual të Ligës Premier me këtë humbje rrezikojnë shumë rënien nga kategoria, pasi kanë vetëm 21 pikë apo një pikë më pak se pozita e 18-të. /Telegrafi/

https://www.youtube.com/watch?v=PB3VPIr7PT4

https://www.youtube.com/watch?v=1SZbQIiORmI

https://www.youtube.com/watch?v=PoOL9R2dR8A