DJ Dagz shprehet i shqetësuar për rrethanat në të cilat po rriten fëmijët

Mijëra qytetarë, aktivistë, përfaqësues politikë, këngëtarë e fytyra tjera publike, kanë protestuar sot (e mërkurë) me kërkesat për mbrojtje dhe siguri nga shteti për vajzat dhe gratë, pas rastit të dhunimit të 11-vjeçares nga pesë persona.

Në mesin e tyre ishte edhe Arbër Gumnishta, i njohur si DJ Dagz, i cili tregoi se është i tronditur nga ajo që ndodhi të shtunën në Prishtinë.

Lexo po ashtu Të famshmit shqiptarë i bashkohen protestës në Prishtinë kundër dhunës seksuale ndaj vajzave dhe grave

Në një prononcim për KosovaPress, ai thotë se përveç atyre që e kanë bërë këtë krim, duhet marrë masa edhe për të tjerët që i përkrahin të njëjtit.

“Është një rast që nuk duhet me ndodh prapë në vendin tonë. Një prej arsyeve që kam dal në këtë protestë është që përveç atyre pesë personave që e kanë bërë këtë krim, kam parë në rrjete sociale shumë njerëz që vazhdojnë t’i përkrahin këta pesë njerëz me fjalë shumë banale. Në jetën e lirë përveç atyre që besoj kanë me u dënu me dënim maksimal, në jetë të lirë janë edhe shumë njerëz që mendojnë njëjtë si ata, është diçka që më brengos”, tha ai.

Lexo po ashtu Protesta kundër dhunës seksuale në Prishtinë - gjithçka përmes fotografive

Muzikanti, i cili është në pritje për t’u bërë prind me Einxhel Shkirën, shprehet i shqetësuar për rrethanat në të cilat po rriten fëmijët.

“Unë vet jam t’u prit me u bë prind dhe mundet me qenë çikë dhe nuk është që kisha pas qejf që çika jem me pas kësi probleme në të ardhmen në gjithë jetën e saj”, citohet të ketë thënë Dagz.

Lexo po ashtu “Viktima nuk ka faj”, “Burgim të përjetshëm” – gjithçka nga protesta e sotme kundër dhunës ndaj grave e vajzave