Disa nga gabimet që ndoshta i bëni gjatë grimit

Për një pamje të lëmuar dhe rrezatuese, është e rëndësishme të siguroheni që të shmangni gabimet gjatë makijazhit. Grimi është një art që ndihmon për të nxjerrë në pah bukurinë. Megjithatë, askush nuk është imun nga gabimet. 

Që nga momenti i fillimit të grimit, si vajza adoleshente, zhvillohen shprehitë e rutinës sonë të grimit. Por, i njëjti eyeliner i kaltër që keni përdorur në shkollë të mesme ndoshta nuk është aq i popullarizuar sot. Po sa i përket pudrës? Ajo që keni përdorur në të njëzetat ndoshta nuk është zgjidhja më e mirë për lëkurën tuaj nëse jeni në të pesëdhjetat.

Për një pamje të lëmuar dhe rrezatuese, është e rëndësishme të siguroheni që të shmangni gabimet e grimit, sepse mund t’ju bëjnë të dukeni ‘vulgare’.

Bazë jo e mirë

Një nga gabimet më të zakonshme kur bëni grim është zgjedhja e nuancës së gabuar të bazës. Qëllimi i këtij produkti është të krijojë një mbulim natyral dhe të barabartë, jo të ndryshojë ngjyrën natyrale të lëkurës suaj. Zgjidhni një nuancë që përputhet me tonin e lëkurës në qafë dhe nyja. Ose bëni gjysmë ton më të lehtë – nuk mund të gaboni. Dhe mbani mend se toni i gabuar do t’ju bëjë të dukeni vulgare.

Një gabim tjetër i zakonshëm është të harroni të aplikoni bazë në pjesë të tjera të ekspozuara të trupit, përveç fytyrës. Si rezultat, fytyra juaj ka një ngjyrë të ndryshme nga qafa dhe dekolteja, madje edhe zona rreth veshëve. Një tjetër gabim i popullarizuar i makijazhit lidhur me aplikimin e bazës, është përdorimi i tepërt i preparatit te rrezitjes që e kthen fytyrën në të verdhë.

Dhe në fund, nuk duhet harruar ideja ‘brilante’ e aplikimit të pudrës në buzë në kërkim të një pamjeje nudo. Gjithçka që do të arrini është ta thani lëkurën e hollë të buzëve dhe të theksoni strukturën e saj të pabarabartë.

Lexo po ashtu Femrat ‘të çmendura’ pas trendit të ri: Duan të kenë “lëkurë qelqi”

Vetulla ‘gjeometrike’

Vetullat shumë të holla, një trashëgimi e viteve të nëntëdhjeta, do t’ju duhej t’i harroni si një ëndërr e keqe. Të këputura pa mëshirë, ato i shtojnë ashpërsinë e fytyrës dhe ju bëjnë të dukeni më të vjetra, të modës së kaluar dhe pa shije.

Por, kini kujdes edhe kur i vizatoni vetullat: dizajni gjeometrik ose grafik nuk do të jetë i dobishëm. Është më mirë të shmangni këndet e mprehta kur krijoni një dukje të re të vetullave.

Dhe harrojeni lapsin e zi, nëse nuk jeni një zeshkane atraktive. Zgjidhni një nuancë që do të përshtatet në mënyrë të përkryer me ngjyrën e flokëve tuaja.

Fshehja e nënsyve me një korrektor të lehtë

Ideja që korrektori poshtë syve të jetë sa më i lehtë për të maskuar më mirë rrathët e zinj, nuk funksionon në këtë mënyrë. Përdorimi i një korrektori që është 2-3 nuanca më i hapur se lëkura juaj nuk do t’i fshehë shenjat e lodhjes. Në vend të kësaj, do të ketë efektin e kundërt – do të theksojë rrathët e errët. Zgjidhni një korrektor që është vetëm një nuancë më i hapur se baza dhe përzieni mirë për një pamje natyrale.

Definimi i buzëve

Me kalimin e moshës, kontura e buzëve mund të bëhet më pak e përcaktuar dhe vet buzët bëhen më të holla. Ju mund të tundoheni ta rigjurmoni skicën. Megjithatë, nëse filloni të përdorni vizatues buzësh në mënyrën e gabuar, do të merrni vetëm një imazh karikaturë – të panatyrshme. Kur përdorni një laps, sigurohuni që të përdorni një nuancë që përputhet me buzëkuqin dhe mos harroni ta hijezoni sipërfaqen drejt pjesës së brendshme të buzëve.

Gjithashtu, një buzëkuq shumë i lehtë me ngjyrë të çelët, duket i çuditshëm. Në vend të kësaj, preferohet të zgjidhni një nuancë që është një ose dy nuanca të ndryshme nga ngjyra juaj natyrale e buzëve. Pas kësaj, shtoni pak shkëlqyes për volum dhe shkëlqim shtesë. Shkëlqimi reflektues fsheh rrudhat, krijon iluzionin e buzëve më të plota dhe rrit atraktivitetin e tyre.

Skuqja e faqeve

Skuqja është një element i rëndësishëm i grimit që i jep fytyrës një pamje të freskët. Shumë prej nesh janë mësuar të aplikojnë skuqje në mollëza, por ky lloj grimi e bën fytyrën të duket e sheshtë dhe e mpirë.

Për një grim më modern me një efekt të lehtë lifting, është më mirë ta poziciononi skuqjen pak më lart, pak sipër mollëzave. Gjeni një pikë rreth gjysmës së rrugës midis hundës dhe veshit dhe përzieni skuqjen lart, duke e drejtuar furçën drejt këndit të jashtëm të syrit. Zgjidhni tekstura kremoze, në mënyrë që të mos I theksoni rrudhat. Mbani mend një rregull të thjeshtë: ndërsa plakeni, teksturat mat nxjerrin në pah papërsosmëritë, ndërsa teksturat kremoze përmirësojnë pamjen tuaj.

Lexo po ashtu Vaji i kërpit është një bazë e shkëlqyeshme për grim – nuk i mbyll poret

Konturimi

Konturimi i fytyrës mund të shkaktojë gabime qesharake në grim. Shumë zgjedhin drejtimin e gabuar të hijes dhe aplikojnë shumë produkt. Gjithashtu, femrat shpesh përziejnë bronzin dhe konturin dhe aplikojnë shumë të kuqe në mollëza. Një gabim i tillë e bën çehren jo vetëm të panatyrshme, por edhe disi qesharake.

Epoka e ‘highlighterit’ të plotë ka përfunduar gjithashtu. Mjaftojnë disa truke brushe për të krijuar volumin e kërkuar.

Krijimi i përbërjes perfekte kërkon vëmendje dhe saktësi, por është e rëndësishme të mbani mend se kujdesi për fytyrën gjatë ditës është gjithashtu thelbësor. Rënia e rimelit dhe të gjitha të metat e tjera duhet të korrigjohen menjëherë, përndryshe edhe me veshjet më të shtrenjta mund të dukeni të parregullta dhe me pamje jo të dëshiruar nëse nuk e keni makijazhin e duhur. /Telegrafi/