Disa citate interesante të dekadës

I pyetur se cili do të ishte profesioni i tij jashtë futbollit, asokohe trajneri i Newcastle, Sir Bobby Robson tha: “Do ta jepja dorën time të djathtë për të qenë pianist”.

Teksa përgatitej të mbronte titullin në peshat e rënda ndaj Evander Holyfieldit, Lennox Lewis u shpreh: “Jam i padiskutueshëm, dhe kjo as që mund të diskutohet”.

“Ai nuk mund të godasë me këmbën e majtë, ai nuk mund të godasë me kokë, ai nuk di të driblojë dhe nuk shënon shumë gola. Veç këtyre, gjithçka është në rregull me të”, ka thënë George Best për David Beckhamin.

“E dua zemrën tënde. Dua t’i ha fëmijët e tu. Dua t’ia nxjerr zemrën dhe ta ushqej me të”, është shprehur Mike Tyson në dëm të Lennox Lewisit, pasi mposhti Lou Savaresen.

“Marihuana ndoshta u ka ndihmuar që të qetësohen. Madje edhe huliganët u kënaqën me lojën”, tha zëdhënësi i policisë holandeze duke përshkruar sjelljen e mirë të tifozëve anglezë gjatë ndeshjes kundër Portugalisë në Euro 2000.

“Nuk kam luajtur shumë ndeshje për Middlesbroughun gjatë fundit të sezonit- ose në fillim ose në mes”, tha Paul Gascoigne pas transferimit nga Middlesbrough tek Everton.

“Nuk më pëlqen veriu. Atje gjithmonë bie shi. Është shumë ftohtë dhe nuk më pëlqejnë ato shtëpi të vogla”, tha asokohe (2001) sulmuesi i West Hamit, Frederic Kanoute, për të treguar arsyen pse preferonte të luajë për ndonjë skuadër në jug të Anglisë.

“Kush fitoi?”, bërtiti Lennox Lewis pasi u nokautua nga Hasim Rahman (2001), me ç’rast humbi titullin.

“Unë vrapoj si limon, ndërsa limonët nuk vrapojnë”, tha vrapuesi britanik Daniel Caines, pas paraqitjes së dobët në Sevilla.

“Ndoshta jam më i vjetër se Rubens, por asnjëherë nuk do të jem aq i shëmtuar”, ishin fjalët e Eddie Irvine ndaj Rubens Barrichellos, pasi që ky i fundit e kishte quajtur ‘plak’, sepse nuk ia kishte liruar rrugën, gjatë garës për Çmimin e Madh të San Marinos (2002).

“Jam i sigurt se seksi nuk do të ishte po kaq shpërblyes sa Kupa e Botës. Jo që seksi nuk është i mirë, por Kampionati Botëror është çdo katër vite, ndërsa seksi nuk është”, u shpreh Ronaldo ‘origjinal’, pasi i ndihmoi Brazilit me dy golat e tij në finalen e Botërorit 2002.

“Ai është Unitedi- nëse e preni atij do t’i rrjedhë gjak i kuq”, ishte mendimi i Alan Brazil për Sir Alex Ferguson.

“Pse je gjithmonë në të kuqe, a është e kuqja ngjyra jote e preferuar”, e pyeti një gazetar lokal asokohe pilotin e Ferrarit, Michael Schumacher, para fillimit të garës për Çmimin e Madh të Kinës (2004). /Telegrafi/