Digjet një veturë në Prishtinë, nuk ka të lënduar

Një veturë e tipit Renault ka marrë flakë, në orët e mbrëmjes në lagjen “Bregu i Diellit” të kryeqytetit.

Rasti ka ndodhur rreth orës 21:00, ndërsa nuk raportohet për të lënduar.

Rastin për Telegrafin e ka konfirmuar zëdhënësi i Policisë së Kosovës, Daut Hoxha.

Ai ka thënë se sapo kanë marrë informacionet e para, në vendin e ngjarjes kanë dalë njësia policore, ajo e zjarrfikësve, si dhe është njoftuar eksperti i zjarrit.

Vetura ka pasur dëmtime në pjesën e motorit ndërsa ekipet janë duke vazhduar me hetimet për të kuptuar shkaqet e djegies së kësaj veture.

“Sonte me datë 09.01.2020 rreth orës 21:00, ne Bregun e Diellit ne Prishtine është raportuar se një veturë e tipit Renault, me targa vendore, është duke u djegur. Ne vendin e ngjarjes menjëherë ka dalë njësia policore, njësia e zjarrfikësve, si dhe është njoftuar eksperti i zjarrit. Vetura ka pësuar dëmtime në pjesën e motorit. Përderisa, ekipet kompetente janë në proces të procedurave tjera përfshirë edhe hetimin mbi shkaqet e djegies së veturës”, tha Hoxha.

Sipas Hoxhës, pas arritjes se ekspertit të zjarrit në vendin e ngjarjes dhe vlerësimeve fillestare sipas tij, zjarri nuk ka qenë i qëllimshëm por dyshohet se mund te ketë ardhë si pasojë e ndonjë defekti teknik. /Telegrafi/