Në raundin e dytë të zgjedhjeve lokale, Përparim Rama nga Lidhja Demokratike e Kosovës u zgjodh kryetari i ri i Prishtinës.
Pas fitores së Ramës, reagimet në rrjet kanë qenë të shumta duke i uruar fat dhe suksese në katër vitet e ardhshme të qeverisjes.
Një të tillë e ka bërë së fundmi edhe aktorja e modelja shqiptare, Diellza Kolgeci, në një postim të ndarë në InstaStory.
Përparim Rama (Foto: Telegrafi)
Ajo ka publikuar një imazh me bashkëshortin e saj, basketbollistin Fisnik Rugova, përkrah kryetarit të ri tashmë të Prishtinës.
“Nëse punon me zemër e mendje për popull Përparim mundesh me qenë Justin Trudeau i Kosovës”, kanë qenë fjalët e Kolgecit.
Diellza Kolgeci, Fisnik Rugova dhe Përparim Rama (Foto: Facebook)
Diellza e ka krahasuar me kryeministrin kanadez nga Partia Liberale, Justin Trudeau.
Rama theksojmë se mori 40,659 vota ose 51,07% të totalit të votave, duke lënë mbrapa kandidatin e LVV-së, Arben Vitia i cili mori 38,958 vota apo 48,93%. /Telegrafi/
Përparim Rama (Foto: Telegrafi)
