Di Maria do të ndjekë hapat e Messit duke vazhduar karrierën me Argjentinën pas triumfit në Kupën e Botës

Sulmuesi anësor i Juventusit, Angel Di Maria nuk do të tërhiqet nga futbolli ndërkombëtar me Argjentinën, pavarësisht se e fitoi Kupën e Botës “Katar 2022”.

Di Maria shënoi golin e dytë për vendin e tij në finale kundër Francës përpara se të zëvendësohej në minutën e 64-të dhe kështu duhej të shikonte dramën e mbetur nga vendi i tij në stol.

Përfundimisht, shokët e tij të skuadrës arritën ta kryenin punën dhe pasi fitoi çmimin më të madh të futbollit, 34-vjeçari mund të ketë qenë i prirur të vari këpucët.

Megjithatë, sipas gazetarit të TyC Sports, Gaston Edul, Di Maria dëshiron të qëndrojë si një lojtar i Argjentinës në mënyrë që të mund të shijojë jetën duke luajtur si kampion bote.

Di Maria ka qenë një pjesë kyçe e skuadrës së Argjentinës që kur bëri debutimin e tij në vitin 2008, duke luajtur 129 herë dhe tani duke shënuar në finalen e Kupës së Botës dhe në Finalissima, si dhe duke shënuar golin e fitores në finalen e Copa America 2021.

Është mjaft interesante që bashkëlojtari i tij 35-vjeçar Lionel Messi gjithashtu ka deklaruar se ai nuk do të tërhiqet ende, duke përmendur të njëjtat arsye. /Telegrafi/