Dhjetëra mijëra njerëz në rrugët e Budapestit, rebelohen kundër Orbanit

Dhjetëra mijëra njerëz u mblodhën në Budapest kundër kryeministrit Viktor Orban, duke valëvitur flamurin kombëtar ndërsa lideri i partisë në rritje të opozitës u zotua ta bënte Hungarinë pjesë të një Evrope të fortë dhe t’i jepte fund sundimit 15-vjeçar të Orbanit.

Peter Magyar, një “ish-i brendshëm i qeverisë”, nisi lëvizjen e tij një vit më parë dhe partia e tij Tisza – e quajtur sipas lumit të dytë më të madh të Hungarisë – kryeson Fidesz-in e Orbanit në shumicën e sondazheve, një vit para zgjedhjeve në 2026, shkruajnë mediat e huaja, përcjell Telegrafi.

Sipas mediave, më shumë se 50,000 kundërshtarë të tij u përballën me motin e ftohtë dhe me shi për t’u tubuar në Budapest.

🇭🇺 A massive opposition rally is also taking place today in Budapest

Opposition leader Péter Magyar: "Spring is coming to Hungary — we will end Orbán’s winter together."

He addressed Orban in Russian hinting at his pro-Russian position and sympathy for Putin: "It's over… pic.twitter.com/Yg4BJkc9LN

— NEXTA (@nexta_tv) March 15, 2025

“Ata që mashtrojnë kombin e tyre duhet të përfundojnë në koshin e plehrave të historisë”, i tha Magyar turmës. “Ka ardhur koha jonë”.

Ai tha se Tisza do të nisë një sondazh popullor mbi 12 çështje kryesore ekonomike dhe politike për të dëgjuar “zërin e kombit”.

Protesters in Budapest, Hungary today demanding the resignation of pro-Putin Prime Minister Viktor Orbán.

Love it! pic.twitter.com/4TGSBckoyc

— Art Candee 🍿🥤 (@ArtCandee) March 15, 2025

Duke folur në një tubim në ditën kombëtare të Hungarisë, Orban tha se ishte koha për të eliminuar atë që ai e quajti një “ushtri në hije” e OJQ-ve, gazetarëve, gjyqtarëve dhe politikanëve të paguar nga Shtetet e Bashkuara dhe Brukseli, duke iu referuar planeve të tij për të goditur OJQ-të dhe mediat që morën fonde nga Agjencia për Zhvillim Ndërkombëtar (USAID) dhe miliarderi George Soros.

Budapest today. People are demanding that PM Orban resign. https://t.co/Lbtqp0j1Gq pic.twitter.com/r4l3aMA6Pc

— Anton Gerashchenko (@Gerashchenko_en) March 15, 2025

Siç theksojnë mediat, vendimi i presidentit Donald Trump për të shpërbërë USAID-in e ka trimëruar aleatin e tij Orban.

Muajin e kaluar ai tha se Hungaria do të hartonte legjislacionin për të mbrojtur sovranitetin kombëtar dhe do të zbulonte fondet e huaja për mediat hungareze dhe ato që ai i quajti “pothuajse OJQ”.

Këtë javë partia e tij Fidesz paraqiti ndryshime kushtetuese që do të lejonin dëbimin e shtetasve të dyfishtë që konsiderohen se përbëjnë një kërcënim për sovranitetin e Hungarisë. /Telegrafi/