Dëshiron të fotografohet me të, rusja ledhaton ariun e vogël – ai e kafshon në mjekër

Një video amatore po qarkullon në masë të madhe në rrjetet sociale, ku shfaqet një ari të vogël i cili e kafshon në mjekër një vajzë të re, e cila pak çaste më parë kishte ngrënë sallatë me salmon, dhe duket se era e peshkut e kishte joshur ariun.

Kjo kafshë e egër ishte me pronarin që e shfrytëzon si kafshë shtëpiake, duke përfituar të mira materiale duke i lejuar njerëzit të fotografohen me të, kur u ndal para vajzës së identifikuar si Madina e cila kishte dashur ta bëjë një fotografi, transmeton Telegrafi.

Megjithatë ariu duket se kishte nuhatur aromën e peshkut, pasi disa momente më parë ajo kishte ngrënë sallatë salmoni, dhe peshku ishte pikërisht që e kishte joshur për ta sulmuar vajzën.

Ajo derisa po e ledhatonte ariun dhe vazhdimisht qeshte, në një moment kjo kafshë e egër ia ngulë dhëmbët e mprehtë në mjekër duke krijuar një situatë paniku.

Ngjarja ka ndodhur në parkun kryesor të Groznit në Rusi, kurse pas intervenimit të masës vajza ka shpëtuar me ca gërvishtje të lehta.

Sidoqoftë një gjë është e sigurt, që ky rast i ka dhënë leksion vajzës që herët e tjera të jetë më e kujdesshme sidomos kur bëhet fjalë për kafshët e egra. /Telegrafi/