Dy turistë duket se iu afruan shumë bizonit në parkun nacional Yellowstone në SHBA, pasi për pak sa nuk i goditi derisa tentuan të bëjnë selfie dhe ta prekin.
Russ Bjorn postoi në Instagram videon, ku shihet një grua e paidentifikuar duke zgjatur dorën për ta prekur bizonin, transmeton Telegrafi.
Në videon e dytë shihet sesi bizoni i vërsulet asaj, por që ajo për fat reagon me kohë dhe largohet. Megjithatë mbeti me trauma nga frika se do ta pësojë.
Sipas ekspertëve që merren me studimin e këtyre kafshëve, turistët vazhdimisht këshillohen të mos ju afrohen shumë, por ata kishin shpërfillur këto këshilla.
Për fa të mirë, bizoni nuk e vazhdoi ndjekjen dhe i dha mundësi turistes që të largohet pa ndonjë problem.
Por sigurisht se ky veprim do t’i shërbejë si kujtesë për herë tjera, që t’i bindet këshillave të ekspertëve.
Pra secili person që viziton parkun më të madh në SHBA, duhet të ketë kujdes që të qëndrojë disa metra larg bizonëve që peshojnë mbi 1 mijë kilogramë dhe janë tejet të fuqishëm. /Telegrafi/
