Derisa ishte me Shakirën, Pique kishte bërë një tjetër ‘çmenduri’ – aty ku përfshihet edhe presidenti i federatës spanjolle

Gerard Pique thuhet se i kërkoi presidentit të federatës spanjolle të zhvendoste një ndeshje të Spanjës në mënyrë që ai të mund të merrte pjesë në një ndeshje tenisi me gruan Shakiran.

El Confidencial pretendon se mbrojtësi foli me Luis Rubiales në vitin 2019, me shpresën për të lëvizur miqësoren e Spanjës kundër Rumanisë më 18 nëntor.

Kjo për shkak se ylli i Barcelonës ishte i etur për të marrë pjesë në fillimin e Kupës Davis në të njëjtën ditë në Madrid.

Lexo po ashtu Skandal në futbollin spanjoll: Publikohen përgjimet mes Piques dhe Rubiales për pazarin në Superkupën e Spanjës

Kompania e Pique, Kosmos organizon garën e tenisit.

Dhe qendërmbrojtësi ishte i dëshpëruar që të ishte në këtë ngjarje së bashku me partneren e yllit të popit, Shakiran, me çiftin që së fundmi u ndanë.

Sidoqoftë, Rubiales me sa duket nuk i kushtoi vëmendje lutjes së Pique.

Lexo po ashtu Pique reagon për përgjimin e publikuar nga "El Confidencial" - aty ku ai përfshihet në një skandal me Luis Rubiales

Kjo për shkak se ndeshja e Spanjës kundër Rumanisë shkoi përpara, me nikoqirët që fituan 5-0.

Por, Pique mungoi në skuadrën e ditës së ndeshjes pasi vendosi të merrte pjesë në tenis.

Thuhet se Pique i tha Rubiales: “Rubi, ne duhet të flasim për një çështje që është shumë e rëndësishme për mua dhe ju duhet të më bëni këtë nder në një mënyrë ose në një tjetër”.

Lexo po ashtu “Përfundova në burg, gëlltita monedha që të shpëtoja", rrëfimi i padëgjuar i Piques për 'ferrin' që e përjetoi sa ishte te Man United

“Unë do të shpjegoj. E shoh që ka një ndeshje, që është Spanjë-Rumani… të hënën më 18 nëntor. Të hënën më 18 nëntor fillon Kupa e Davisit edhe në Madrid”.

“Shakira do të bëjë inaugurimin, partnerja ime do të këndojë, do të bëjmë një shfaqje të çmendur, pasdite do të ketë ndeshje”.

“Sigurisht, nëse po zhvillohet e njëjta ndeshje mes Spanjës dhe Rumanisë në Ëanda, ne po e kanibalizojmë njëri-tjetrin, po e shkatërrojmë njëri-tjetrin”.

Lexo po ashtu Përgjime të reja në skandalin e Superkupës së Spanjës, dyshohet se Messi është përfshirë në aferën Pique-Rubiales

“Nuk e di se cili është kalendari i mëparshëm, nuk e di nëse mund të zhvendoset për të dielën, që do të ishte perfekt. Nuk e di nëse luan të premten apo të enjten”.

“Le të shohim çështjen e kalendarit, por e di që ju ende nuk keni filluar të shisni bileta dhe do të ishte e mundur ta zhvendosni atë, prandaj, le ta shohim (atë)”.

Rubiales thuhet se është përgjigjur: “Ok, do të shikoj nëse është e mundur, nuk e di nëse është e mundur, por nëse është e mundur, ne do ta provojmë”.

Lexo po ashtu E zuri duke e tradhtuar, Shakira thuhet se është ndarë nga Gerard Pique

Nuk është hera e parë që Pique ka polemika pasi kompania e tij Kosmos thuhet se fitoi 25 milionë euro nga transferimi i Superkupës së Spanjës në Arabinë Saudite.

Por, Pique është i bindur se ai nuk bëri asgjë të gabuar, duke këmbëngulur se marrëveshja ishte e paligjshme dhe nuk u kryen veprime të paligjshme. /Telegrafi/