Philadelphia 76ers ka fituar derbin e mbrëmjes në elitën e basketbollit amerikan NBA.
Në Wells Fargo Center u përballën 76ers me Brooklyn Nets që deri para kësaj ndeshje kishin bilanc të njejtë me nga 37 fitore e 17 disfata.
Pas 48 minutash lojë, ishin vendasit e 76ers që triumfuan me gjashtë pikë diferencë 123:117.
Nets kishin mungesa të mëdha në këtë sfidë pasi nuk u paraqitën yjet si James Harden, Kevin Durant, Blake Griffin dhe LaMarcus Aldridge.
Gjithsesi më efikasi në këtë sfidë ishte qendra e vendasve Joel Embiid me 39 pikë, 13 kërcime e dy asistime.
Me lojë të mirë tek skuadra fituese u dallua edhe Tobias Harris që shtoi 26 pikë, derisa Ben Simmons e përfundoi takimin me 17 pikë e nëntë asistime.
Kyrie Irving ishte fantastik për Nets, ku realizoi 37 pikë e pati nëntë asistime, por që i vetëm nuk mund t'i bënte ballë vendasve.
Pas fitores së mbrëmshme, 76ers tani udhëheqin të vetëm në Konferencën e Lindjes me 38 fitore e 17 humbje, derisa Nets kanë një fitore më pak dhe një humbje më shumë. /Telegrafi/
Rezultatet:
Charlotte Hornets - Cleveland Cavaliers 90:103
Philadelphia 76ers - Brooklyn Nets 123:117
Toronto Raptors - San Antonio Spurs 117:112
Chicago Bulls - Orlando Magic 106:115
Detroit Pistons - LA Clippers 98:100
New Orleans Pelicans - New York Knicks 106:116
Houston Rockets - Indiana Pacers 124:132
Oklahoma City Thunder - Golden state Warriors 109:147
Memphis Grizzlies - Dallas Mavericks 113:114
Denver Nuggets - Miami Heat 123:106
Sacramento Kings - Washington Wizards 111:123
