Delikatesa shëruese – artiçoka

Artiçoka është bimë e cila kryesisht rritet në zonat bregdetare, në Evropën Jugore dhe në Mesdhe. Konsiderohet si një nga ushqimet më të vjetra që përdoren, ndërsa ne ju njoftojmë me veçoritë e saj shëruese dhe sigurisht me recetën shijshme.

Grekët dhe romakët e vjetër artiçokën e kanë përdorur si afrodiziak dhe kanë besuar që ajo u ndihmonte për të pasur pasardhësit mashkullorë. Me kalimin e kohës është klasifikuar si delikatesë e jashtëzakonshme, e cila madje është bërë objekt i tregtisë ilegale dhe kryebashkiaku i New Yorkut e ka ndaluar në vitet e 1930-ta. Sot artiçoka është në dispozicion të të gjithëve, por ende hyn në mesin e delikatesave të shijshme kulmore, transmeton koha.net.

Artiçoka është bimë shumë e shëndetshme e mbushur me materie ushqyese. Është e pasur me acid folik, vitaminat C, K dhe B, hekur, kalcium, fosfor dhe magnez. Për shkak të sasisë së madhe të acidit folik që e përmban rekomandohet si ndihmë gjatë mbetjes shtatzënë, ndërsa njihet edhe për atë që acidi folik ndihmon për zhvillimin e shëndetshëm të frytit.

Artiçoka si preventivë për sëmundjet e zemrës
Kjo bimë ul kolesterinën e keqe, ndërsa ngrit nivelin e kolesterinës së mirë. Është e shkëlqyeshme si preventivë për shumë sëmundje të zemrës, kalcifikimin e enëve të gjakut, infarktin, sulmin në tru dhe angina pektoris. Shkenca ka dëshmuar që gjethet e artiçokës rrisin prodhimin e bilës në organizëm e cila i dekompozon yndyrat dhe kolesterinën dhe kështu parandalon krijimin e gurëve. Cinarina, të cilën e përmban artiçoka në disa vende përdoret për qëllime mjekësore si terapi për sëmundjet e tëmthit.

Po ashtu, artiçoka ndihmon edhe në përmirësimin e tretjes dhe përshpejtimin e metabolizmit dhe kështu shpesh përdoret si ndihmë gjatë dobësimit. Keni edhe një arsyetim për të mos provuar këtë delikatesë?
Ne ju sjellim edhe një recetë të shpejtë:

Artiçokë kërcëllitës me salcë limoni

Përbërësit:
▪ Thërrime të bukës
▪ Mëlmesa italiane (origano, borziloku)
▪ Një maje luge me spec djegës
▪ 400 g artiçokë
▪ Një lugë me ajkë
▪ Një lugë lëng limoni
▪ Një lugë kore limoni

Furrën lëshojeni në 200 gradë celsius dhe tenxheren lyejeni me vaj. Thërrimet e bukës i përzieni me mëlmesat italiane dhe specin djegës. Zemrën e artiçokës (nëse është nga konserva) thjesht shtrydheni dhe priteni , nëse janë të freskëta i vendosni në ujë të njelmët për 2 minuta, kulloni dhe thani me letër. Pas kësaj vërini artiçokët në përzierjen prej mëlmesave dhe thërrimeve të bukës, i vendosni në enën për pjekje dhe piqni për 15 minuta, ashtu që t’i rrotulloni një herë.
Si salcë përzieni ajkën me koren e limonit dhe lëngun e shërbehuni me artiçoka të ngrohta. /Telegrafi/