Dëgjimi i këtyre tingujve të bukur mund të ndihmojë në përmirësimin e shëndetit mendor

Imagjinoni këtë: Zgjoheni herët për një shëtitje në një plazh të largët. Asnjë person tjetër nuk është aty. Ju hiqni sandalet tuaja dhe shtypni këmbët tuaja të zhveshura në rërë të butë si mielli.

Sigurisht se ndiheni pak më të qetë pasi keni ëndërruar për atë largim. Thjesht mendoni se sa më mirë do të ndiheshit nëse do të kishit bërë  një udhëtim në natyrë. Në fakt, hulumtimet vërtetojnë se nuk është vetëm një ndjenjë.

Sipas një punimi të botuar në Proceedings of the National Academy of Sciences, tingujt natyrorë përmirësojnë shëndetin, lehtësojnë ndjenjat e dhimbjes, zvogëlojnë ndjenjat e përgjithshme të bezdisjes dhe ulin ndjeshëm nivelet e stresit.

Studiuesit nga Universiteti i Miçiganit analizuan të dhënat nga 18 botime të ndryshme për të përcaktuar nëse dhe sa tinguj natyralë përmirësojnë rezultatet shëndetësore.

Ata zbuluan se mesatarisht, tingujt si shiu që binte dhe cicërimat e zogjve përmirësuan ndjeshëm shëndetin mendor dhe fizik duke ulur stresin, zvogëluar dhimbjen dhe mprehur performancën njohëse. /Telegrafi/