Debat i ashpër në BBVA, Erjola “shpërthen” ndaj Ilnisës pasi ia përmend prindërit e vdekur – banorët e tjerë ndërhyjnë për t’i ndarë

Në një nga përplasjet më të ashpra që janë parë në shtëpinë e “Big Brother VIP”, gazetarja Ilnisa Agolli dhe moderatorja Erjola Doçi janë përplasur gati në një sherr fizik pas një incidenti të vogël në kuzhinë.

Gazetarja Ilnisa, në atë që duket të jetë një çast irritimi, e ka shtyrë tiganin e nxehtë drejt Erjolës, duke bërë që kjo e fundit të reagojë menjëherë me mbrojtje. Përballja mes tyre u acarua kur Ilnisa i përmendi Erjolës të ndjerët, duke aluduar në mungesën e edukatës familjare. “Kështu të kanë edukuar”, i hodhi gazetarja, duke e lënë moderatoren të revoltuar dhe duke i shkaktuar reagimin e fortë, “ndyrësirë, femër e pështirë”.

Incidenti ka ndodhur në një kohë kur banorë të tjerë si Romeo Veshaj janë përpiqur të ndërhyjnë për të qetësuar situatën. Përplasja u shoqërua me një shkëmbim të ashpër replikash mes dy protagonisteve, të cilat nuk hezituan të përdorin fjalë të rënda.

Erjola me zë të lartë u shpreh në mbrojtje të vetes, “Avash se më shtyve tiganin e nxehtë! Deshe me më djeg o skizofrene,” ndërsa Ilnisa iu kundërpërgjigj duke e quajtur hipokrite dhe mashtruesen më të madhe në shtëpi.

Në një moment tensioni të shtuar, Ilnisa e provokon Erjolën përmes referimit tek familja e saj, duke e bërë këtë të fundit të kërcënojë largimin e saj nga shtëpia. “Të më përmendësh babain dhe nënën që si kam, nuk ta lejoj,” u shpreh ashpër Erjola, “Po nuk bie në nivelin tënd.” Ndërhyrja e Romeos parandaloi përshkallëzimin e mëtejshëm të situatës.

Sherri mes dy banoreve të njohura ka lënë një shenjë të pakëndshme në shtëpinë e “Big Brother VIP” dhe ka hapur debate në komunitetin e fansave dhe ndjekësve që janë të ngazëllyer të shohin si do të zhvillohet më tej marrëdhënia mes tyre në ditët në vijim. /Telegrafi/