De Biasi: Dua të kthehem të trajnoj

Gianni De Biasi dëshiron të kthehet në drejtimin e një skuadre.

Në një intervistë për mediat italiane ish-trajneri i Shqipërisë i cili është i papunë që nga momenti që u shkarkua nga stoli i Alaves ka zbuluar se ka pasur oferta dhe shumë shpejtë mund të jetë sërish në stol.

Tashmë që kuqezinjtë janë pa trajner mund të hamendësohet edhe një rikthim e tij te Shqipëria edhe pse gjasat që diçka e tillë të ndodhë janë të pakta.

Lexo po ashtu Gazetari zbulon prejardhjen arbëreshe të De Biasit, trajneri një herë e mohon pastaj thotë se 'e dija që jam shqiptar'  

“Tani po bëj komentatorin në RAI për emisionin ’90 minuti’, por shpresoj që të kthehem të trajnoj sezonin e ardhshëm”.

“Kam refuzuar disa mundësi që më ofruan Frosinone dhe Venezia, por nëse arrin një propozim interesant për sezonin e ardhshëm, do të pranoj”.

“Kam shumë dëshirë të kthehem të trajnoj dhe mendoj se i kam aftësitë për ta bërë diçka të tillë”.

Deklarata këto të Gianni De Biasit, njeriut që kualifikoi për herë të parë Shqipërinë në një kampionat evropian dhe tashmë që kuqezinjtë janë pa trajner, tifozët shqiptarë ëndërrojnë një rikthim të tijin në stol.