David de Gea përjashton një transferim këtë verë për shkak të besnikërisë ndaj Man Utd

Portieri spanjoll, David de Gea tashmë ka përjashtuar një transferim këtë verë, pasi ka lënë të kuptohet për gjetjen e një klubi të ri.

Spanjolli është ende një lojtar i lirë më shumë se një vit pasi u largua nga Manchester United pas skadimit të kontratës së tij.

De Gea i dha fund lidhjes 12-vjeçare me Unitedin dhe shkroi një deklaratë emocionale duke konfirmuar largimin e tij në korrik të 2023.

United transferoi Andre Onanan nga Interi si zëvendësues i tij, por De Gea, pavarësisht se thuhet se ka shumë oferta, është ende pa klub.

Lexo po ashtu De Gea po mendon të marrë një vendim befasues për të ardhmen e tij

Por, duket se situata e 33-vjeçarit mund të ndryshojë në të ardhmen e afërt.

Të shtunën, De Gea la të kuptohej rikthimin në futboll kur shkoi në profilin e tij në Twitter, për të postuar një emoji me orë rëre.

⏳

— David de Gea (@D_DeGea) July 20, 2024

Dhe sipas mediumit The Athletic, postimi i mediave sociale ka përmbajtje.

Duke cituar burime angleze, raporti i mediumit pretendon se De Gea ka marrë oferta nga një klub në Arabinë Saudite, një në Shtetet e Bashkuara dhe një tjetër në Itali.

Në të kaluarën, Newcastle United ishte shumë i lidhur me ish-lojtarin e Atletico Madridit dhe përmendet se një klub nga Anglia ka shfaqur një interes.

Megjithatë, theksohet se De Gea nuk dëshiron të luajë për një skuadër tjetër angleze për shkak të besnikërisë së tij ndaj United dhe tifozëve të tyre.

Ai po pret një përditësim për të ardhmen e tij javën e ardhshme pas një viti të plotë pa asnjë veprim midis shtyllave. /Telegrafi/