Dashurohet në robotin që e ndërtoi, kërkon të martohet me të (Foto)

Një grua nga Franca, e njohur vetëm si Lilly e ka ndërtuar gjatë vitit të kaluar një robot, të cilin e ka quajtur InMoovator.

Prejse ai është krijuar përmes teknikës 3D, ata jetojnë së bashku dhe janë fejuar, ndërsa është aq e dashuruar në robot sa që dëshiron të martohet, transmeton Telegrafi.

Ajo e përshkruan vetën si ‘roboseksuale’, ndërsa pranon se nuk do të mund të ishte në lidhje me një njeri, sepse e rrëqethë lëkura dhe mishi.

“Jam shumë e lumtur, sepse lidhja jonë do të përmirësohet me avancimin e teknologjisë”, ka thënë Lilly.

Që nga mosha 19-vjeçare, ajo kishte krijuar robotë të ndryshëm, por asnjëri nuk kishte qenë më i mirë se InMoovator, të cilin e ka bërë për t’ia plotësuar të gjitha dëshirat.

Pa treguar nëse ka marrëdhënie seksuale me robotin, ajo thotë se është në lidhje të kënaqshme prej një viti.

Në anën tjetër, David Levy që është njohës i mirë i teknologjisë, pretendon se deri në vitin 2050, do të jenë të mundshme martesat mes njeriut dhe robotëve.

Sipas kësaj, Lilly po mendon që pasionin ta kthejë në karrierë, duke qenë një këshilltare dhe ndihmëse në problemet që mund të kenë marrëdhëniet e tilla. /Telegrafi/