Dashuria kalon nga dhuratat

Valentine’s Day, festa e të dashuruarve. Një letër dhe ca fjalë të bukura thuhet se do të mjaftonin...Por, të gjithë e dimë që fjalët mbeten fjalë. Prandaj, nëse jeni nga ata që 14 shkurtin e konsideroni një ditë të shenjtë, që të mos humbni në detin e zemrave që u ofrohen, ju vijmë në ndihmë.

Jeni të mendimit se ata që duhen nuk duan ta dinë se çka ka nën letrën mbështjellëse? Jeni tipi që mendon se ai që vlen është vetëm mendimi? Epo ka ardhur koha që të kuptoni se shifrat monetare kanë vlerën e tyre. Prandaj, po ju ndihmojmë të bëni zgjedhjen e duhur. Të jeni të sigurt, falënderimi që ju pet, do të ketë vlerë më shumë se kurrë.

AI ASAJ
Zbavitëse: Bylyzyk në forma të ndryshme dhe ngjyra të forta.
Luksoze: Bylyzyk i artë në formë zemre me gurëv të bardhë anash.
Intime: Unazë e artë në formë zemre e spërkatur me gurë të ndritshëm.
Ëmbëlsi: Një zemër e kuqe me çokollata: shija më e ëmbël dhe e parapëlqyer për secilin, mund te kombinohet bukur me një kuti me dimensione te ndryshme, lidhur me fjongo të bardhë.
Seksi: Komplet të brendshme, me zhartierë ngjyrë rozë, do t’i jepnin një tjetër shije një nate pasiononte.
Fashion-iste: Kuletë e vogël në formë zemre.
E kuqe: Çantë lëkure me xhepa dhe një zemër metali të verdhë.
Dehëse: Thuaja çfarë ka në zemër me parfumin e dashurisë.
E çmuar: Bizhuteri më formë kutie-zemër me ngjyrë rozë të ëmbël.

AJO ATIJ
Sensuale: Mbajtëse çelësash. E para në formë zemre me krahë. E dyta, në formë zarfi me dedikim.
I ngrohtë: Një shall kashmiri ngjyrë të kuqe të ndezur.
E shijshme: Tortë në formë zemre me kakao dhe luleshtrydhe.
I zbehtë: Abazhur në formë ovale i dizajnuar me zemër të kuqe. Për një dritë të zbehtë në dhomën e gjumit.
Një këngë dashurie: Bëji surprizë atij këngën tuaj të përbashkët që vihet në sfond, ndërsa ai hyn në derë.
Aromë: Një set bukurie me parfum me losione për lëkurën.
Romantike: Qiri romantik me mbajtëse qelqi në formë zemre të tejdukshme.
Fashion-ist: Syze dielli me xhama ngjyrë blu të errët ën formë loti.

MES NESH

Dedikim
Fjalë dashurie të shkruara në një kartolinë. për të pëshpëritur në vesh ngadalë, ngadalë. Për ata që kanë pak fantazi, por shumë zemër.

Larg qytetit
Një arratisje nga qyteti, për të shijuar së paku një ditë dashurie larg çdo gjëje.

Nën dritën e qirinjve
Një darkë romantike në një restorant të qetë me muzikë të ngrohtë dhe meny mundësisht afrodiziake.

Romantizëm
Një film me subjekt romantik. Për t’u shijuar pas një darke romantike në krahët e njëri-tjetrit.

Relaks
Një seancë e plotë me një Spa. Banjë, masazhe, trajtime..një ditë e tërë për t’u ç’lodhur e relaksuar në çift.

THUAJE ME NJË LULE

Ai asaj:
Trëndafila me gjemba, metaforë e pastër dashurie.
Kujdes: asnjëherë të bardhë (pak seksuale) në numër 1,5, 15, por ka edhe nga ata që dhurojnë edhe më shumë.
Petalet më pas përdoren në një banjë me shkumë. Për të dy sigurisht.

Ajo atij:

Zambakë
S’ka rëndësi numri. Në ngjyrë të errët patëllxhani. Sensuale dhe mashkullore dhe i kujtojnë asaj një pjesë të tij…

/Telegrafi/