Çorapet zbathen vazhdimisht: Pse është mirë që fëmija të ecë zbathur?

Fëmijët e vegjël shumë shpesh nuk i pëlqejnë çorapet, i heqin dhe nuk i duan. Nëse situata e lejon, mos i pengoni

Ecja zbathur ka shumë përfitime për shëndetin e fëmijës suaj.

– Fëmija do të rrëzohet më pak, ndërsa mëson të ecë. Është e rëndësishme që ata ta ndiejnë dyshemenë sa më mirë, ndërsa kjo do t’i ndihmojë ata me ekuilibër dhe koordinim, transmeton Telegrafi.

– Ata do të jenë më të vetëdijshëm për hapësirën në të cilën ndodhen. Kjo quhet proprioceptim. Është e rëndësishme për trurin, sepse e ndihmon fëmijën në koordinim, sjellje dhe në ndërgjegjësimin e trupit.

– Kur fëmija ecën, ai do të ketë një qëndrim më të mirë.

– Ecja zbathur stimulon zhvillimin motorik të tij. Kjo përfshin ecjen nëpër shkallë, kërcimin, vrapimin, ngjitjen.

– Në këtë mënyrë, fëmija forcon këmbët dhe pjesën e poshtme të këmbëve kur qëndron ose ecën.

Natyrisht, mos e lini fëmijën tuaj të ecë zbathur nëse është ftohtë ose në hapësirë të papërshtatshme. Kjo është arsyeja pse është e rëndësishme të gjeni këpucët e duhura, të cilat do t’i përshtaten këmbës së foshnjës. /Telegrafi/