Conte: Zappacosta do të rritet shumë te Chelsea

Nënshkrimi i ri i Chelsea, Davide Zappacosta, është gati të përballet me sfidën e luajtur nga një klub i lartë, ka thënë Antonio Conte.

Ndërkombëtari italian mbërriti nga Torino në afatin e transferimeve të Anglisë për një pagesë 27 milionë funte.

Futbollisti 25-vjeçar mund të bëjë debutimin e tij të shtunën, kur kampionët e Ligës Premier do të udhëtojnë në fushën e Leicester City, duke kërkuar një fitore të tretë me radhë, që nga humbja shokuese në Burnley.

Dhe Conte beson se Zappacosta ka mendjen e duhur për të luajtur. “Davide është një lojtar i mirë, një lojtar i ri dhe, për këtë arsye, ai ka shumë hapësirë për t’u përmirësuar, tha trajneri i Chelsea.

“Ai luan mirë gjatë ndeshjes, ka një kualitet të mirë. Eshtë një mbrojtës krahu dhe zakonisht preferon të luajë në të djathtë, por mund të luajë edhe në të majtë. Për Davide është një shans i madh”. |

“Ai ka ardhur në një klub të madh. Është e rëndësishme të hysh në këtë klub me mentalitetin e duhur. Por mos harroni, Torino është një ekip i mirë, me histori të madhe, në të kaluarën. E di që në Torino ka presion të mirë, por për të luajtur në një vend tjetër, një lloj tjetër futbolli, nuk është e lehtë për të.”, tha Conte