Çmimi i dytë për Dua Lipën, tashmë fiton edhe si “Artistja e re më e mirë e vitit”

Brit Awards tashmë ka startuar, ku fillimisht është paraqitur me performancë Justin Bieber.

Ngjarja që po zhvillohet në 02 Arena të Londrës, po ndiqet me mjaft interes edhe në trojet shqiptare.

Këngëtarja shqiptare, Dua Lipa tashmë ka fituar edhe çmimin e dytës në festivalin britanik të muzikës.

22-vjeçarja ka triumfuar në kategorinë”Artistja e re më e mirë e vitit”, ku ka falënderuar të gjithë fansat për mbështetjen.

Theksojmë se të nominuar ishin edhe Dave, J Hus, Loyle Carner dhe Sampha.

Bukuroshja jonë paraprakisht kishte fituar çmimin në kategorinë çmimin këngëtarja më e mirë femër britanike.

Theksojmë se në kategorinë e këngës më të mirë britanike, ku ishte e nominuar 22-vjeçarja, triumfoi Rag N Bone Man.

Edhe këngëtarja tjetër shqiptare, Rita Ora është prezente në këtë ngjarje, ku do të performojë disa këngë.

Ndryshe, bukuroshja jonë tashmë ka filluar punën në projekte të reja muzikore, ndërsa hiti “New Rules”, tashmë ka arritur edhe një miliard shikime në YouTube. /Telegrafi/

“You guys have made all my dreams come true” – @dualipa#DuaLipaBRITs collects the award for British Breakthrough at The #BRITs 2018 and brings her siblings on stage

Watch The #BRITs 2018 LIVE here: https://t.co/YP6iG713ES pic.twitter.com/trt3m483fE

— BRIT Awards (@BRITs) February 21, 2018