Çmimet e inputeve bujqësore gjatë tremujorit të tretë 2018 bien për 0.6%

Indeksi i përgjithshëm i Inputeve në Bujqësi krahasuar me periudhën e njëjtë të vitit 2017 ka rënie për 0.6 për qind. Kështu thuhet në raportin “Indeksi i Çmimeve të Inputeve në Bujqësi, tremujori i tretë 2018”, prezantuar nga Agjencia e Statistikave të Kosovës (ASK).

ASK thotë se indeksi i inputeve ka rënë për 0.2 për qind, përkatësisht 1 për qind.

“Në tremujorin e tretë të vitit 2018, Indeksi i Input 1 ka rënie për 0.2 për qind, krahasuar me periudhën e njëjtë të vitit 2017, kurse Indeksi i Input 2 ka rënie për 1 për qind. Ndërkaq, Indeksi i përgjithshëm i Inputeve ka rënie për 0.6 për qind, krahasuar me periudhën e njëjtë të vitit 2017”, thuhet në raportin e ASK-së, përcjell Telegrafi.

Ky publikim është i bazuar në çmimet e inputeve bujqësore të grumbulluara në Kosovë. Grumbullimi i çmimeve është kryer në barnatoret bujqësore, farmacitë veterinare, në kompani, tregje dhe vende të tjera, ku çmimet e inputeve bujqësore janë në dispozicion. Disa çmime të inputeve bujqësore janë marrë nga çmimet e konsumit në ASK. /Telegrafi/