Kinemaja 'Cineplexx', në fillim të vjeshtës së këtij vitit pritet të hapet edhe në qytetin e Prizrenit.
Kjo është bërë e ditur nga drejtori menaxhues i 'Cineplexx'-it, Milazim Saliu, i cili, në një konferencë për media ka shpalosur disa detaje rreth hapjes së kësaj kinemaje.
"Në muajt shtator-tetor do të bëjmë hapjen e 'Cineplexx', Prizreni do të ketë premierë botërore, do të ketë edhe kinematë më moderne me teknologjinë e re që do të vijnë. Prishtina ka treguar se jemi më të mirët në rajon, shpresoj që edhe Prizreni të tregoj këtë", tha Saliu, transmeton Telegrafi.
Drejtori menaxhues i 'Cineplexx', Milazim Saliu
Ai, theksoi se kinemaja 'Cineplexx', në Prizren do t'i ketë 5 salla me rreth 800 ulëse.
Kurse, drejtori i 'Galeria Shopping Mall', Gojart Shaqiri, gjatë konferencës u shpreh krenar se po bëjnë ndarjen e hapësirës brenda qendrës për hapjen e 'Cineplexx'-it.
Drejtor i 'Galeria Shopping Mall', Gojart Shaqiri
Ai tha, se i gjithë qyteti i Prizrenit dhe qytetet tjera përreth do të kenë mundësi të bëhen pjesë e qendrës Galeria dhe e 'Cineplexx'-it./Telegrafi/
